(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၃၆၆. (က) ယဿ စက္ခုန္ဒြိယံ ဥပ္ပဇ္ဇတိ တဿ သောတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ သောတိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ သောတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောတိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ သောတိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ စက္ခုန္ဒြိယံ ဥပ္ပဇ္ဇတိ တဿ ဃာနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ ဃာနိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ ဃာနိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဃာနိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ စက္ခုန္ဒြိယံ ဥပ္ပဇ္ဇတိ တဿ ဣတ္ထိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ ယေ စ ပုရိသာ ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ ဣတ္ထိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ ဣတ္ထိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဣတ္ထိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဣတ္ထိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ ဣတ္ထိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
ယဿ စက္ခုန္ဒြိယံ ဥပ္ပဇ္ဇတိ တဿ ပုရိသိန္ဒြိယံ ဥပ္ပဇ္ဇိဿတီတိ? (သဒိသံ )
(က) ယဿ စက္ခုန္ဒြိယံ ဥပ္ပဇ္ဇတိ တဿ ဇီဝိတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ ဇီဝိတိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ ဇီဝိတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဇီဝိတိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဇီဝိတိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ ဇီဝိတိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ စက္ခုန္ဒြိယံ ဥပ္ပဇ္ဇတိ တဿ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ သစက္ခုကာ ဥပေက္ခာယ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ သောမနဿိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောမနဿိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ သောမနဿိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ စက္ခုန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ သစက္ခုကာ သောမနဿေန ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ ဥပေက္ခိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
ယဿ စက္ခုန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ စက္ခုန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခုန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ မနိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ. (စက္ခုန္ဒြိယမူလကံ)
၃၆၇. (က) ယဿ ဃာနိန္ဒြိယံ ဥပ္ပဇ္ဇတိ တဿ ဣတ္ထိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ ယေ စ ပုရိသာ ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ ဣတ္ထိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ ဣတ္ထိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဣတ္ထိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဣတ္ထိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ ဣတ္ထိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ.
(က) ယဿ ဃာနိန္ဒြိယံ ဥပ္ပဇ္ဇတိ တဿ ပုရိသိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ ယာ စ ဣတ္ထိယော ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ ပုရိသိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ ပုရိသိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ပုရိသိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ ပုရိသိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ.
(က) ယဿ ဃာနိန္ဒြိယံ ဥပ္ပဇ္ဇတိ တဿ ဇီဝိတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ ဇီဝိတိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ ဇီဝိတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဇီဝိတိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဇီဝိတိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ ဇီဝိတိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ.
(က) ယဿ ဃာနိန္ဒြိယံ ဥပ္ပဇ္ဇတိ တဿ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ သဃာနကာ ဥပေက္ခာယ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ သောမနဿိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောမနဿိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ သောမနဿိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ.
(က) ယဿ ဃာနိန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ သဃာနကာ သောမနဿေန ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ ဥပေက္ခိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ.
ယဿ ဃာနိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ ဃာနိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ သဃာနကာနံ ဥပပဇ္ဇန္တာနံ တေသံ ဃာနိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ဃာနိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ဃာနိန္ဒြိယံ ဥပ္ပဇ္ဇတိ. သဃာနကာနံ ဥပပဇ္ဇန္တာနံ တေသံ မနိန္ဒြိယဉ္စ ဥပ္ပဇ္ဇိဿတိ ဃာနိန္ဒြိယဉ္စ ဥပ္ပဇ္ဇတိ. (ဃာနိန္ဒြိယမူလကံ)
၃၆၈. (က) ယဿ ဣတ္ထိန္ဒြိယံ ဥပ္ပဇ္ဇတိ တဿ ပုရိသိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ဣတ္ထီနံ ဥပပဇ္ဇန္တီနံ ယာ စ ဣတ္ထိယော ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ ယာ စ ဣတ္ထိယော ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တာသံ ဥပပဇ္ဇန္တီနံ တာသံ ဣတ္ထိန္ဒြိယံ ဥပ္ပဇ္ဇတိ၊ နော စ တာသံ ပုရိသိန္ဒြိယံ ဥပ္ပဇ္ဇိဿတိ. ဣတရာသံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယဉ္စ ဥပ္ပဇ္ဇတိ ပုရိသိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ပုရိသိန္ဒြိယံ ဥပ္ပဇ္ဇိဿတိ တဿ ဣတ္ထိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ဣတ္ထီနံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇိဿတိ၊ နော စ တေသံ ဣတ္ထိန္ဒြိယံ ဥပ္ပဇ္ဇတိ. ဣတ္ထီနံ ဥပပဇ္ဇန္တီနံ တာသံ ပုရိသိန္ဒြိယဉ္စ ဥပ္ပဇ္ဇိဿတိ ဣတ္ထိန္ဒြိယဉ္စ ဥပ္ပဇ္ဇတိ.
(က) ယဿ ဣတ္ထိန္ဒြိယံ ဥပ္ပဇ္ဇတိ တဿ ဇီဝိတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယံ ဥပ္ပဇ္ဇတိ၊ နော စ တာသံ ဇီဝိတိန္ဒြိယံ ဥပ္ပဇ္ဇိဿတိ. ဣတရာသံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယဉ္စ ဥပ္ပဇ္ဇတိ ဇီဝိတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဇီဝိတိန္ဒြိယံ ဥပ္ပဇ္ဇိဿတိ တဿ ဣတ္ထိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ဣတ္ထီနံ ဥပပဇ္ဇန္တာနံ တေသံ ဇီဝိတိန္ဒြိယံ ဥပ္ပဇ္ဇိဿတိ၊ နော စ တေသံ ဣတ္ထိန္ဒြိယံ ဥပ္ပဇ္ဇတိ. ဣတ္ထီနံ ဥပပဇ္ဇန္တီနံ တာသံ ဇီဝိတိန္ဒြိယဉ္စ ဥပ္ပဇ္ဇိဿတိ ဣတ္ထိန္ဒြိယဉ္စ ဥပ္ပဇ္ဇတိ.
(က) ယဿ ဣတ္ထိန္ဒြိယံ ဥပ္ပဇ္ဇတိ တဿ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ဣတ္ထီနံ ဥပပဇ္ဇန္တီနံ ယာ စ ဣတ္ထိယော ဥပေက္ခာယ ဥပပဇ္ဇိတွာ ပရိနိဗ္ဗာယိဿန္တိ တာသံ ဥပပဇ္ဇန္တီနံ တာသံ ဣတ္ထိန္ဒြိယံ ဥပ္ပဇ္ဇတိ၊ နော စ တာသံ သောမနဿိန္ဒြိယံ ဥပ္ပဇ္ဇိဿတိ. ဣတရာသံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောမနဿိန္ဒြိယံ ဥပ္ပဇ္ဇိဿတိ တဿ ဣတ္ထိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ဣတ္ထီနံ ဥပပဇ္ဇန္တာနံ တေသံ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ ဣတ္ထိန္ဒြိယံ ဥပ္ပဇ္ဇတိ. ဣတ္ထီနံ ဥပပဇ္ဇန္တီနံ တာသံ သောမနဿိန္ဒြိယဉ္စ ဥပ္ပဇ္ဇိဿတိ ဣတ္ထိန္ဒြိယဉ္စ ဥပ္ပဇ္ဇတိ.
(က) ယဿ ဣတ္ထိန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ဣတ္ထီနံ ဥပပဇ္ဇန္တီနံ ယာ စ ဣတ္ထိယော သောမနဿေန ဥပပဇ္ဇိတွာ ပရိနိဗ္ဗာယိဿန္တိ တာသံ ဥပပဇ္ဇန္တီနံ တာသံ ဣတ္ထိန္ဒြိယံ ဥပ္ပဇ္ဇတိ၊ နော စ တာသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရာသံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ ဣတ္ထိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ဣတ္ထီနံ ဥပပဇ္ဇန္တာနံ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ ဣတ္ထိန္ဒြိယံ ဥပ္ပဇ္ဇတိ. ဣတ္ထီနံ ဥပပဇ္ဇန္တီနံ တာသံ ဥပေက္ခိန္ဒြိယဉ္စ ဥပ္ပဇ္ဇိဿတိ ဣတ္ထိန္ဒြိယဉ္စ ဥပ္ပဇ္ဇတိ.
ယဿ ဣတ္ထိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယံ ဥပ္ပဇ္ဇတိ၊ နော စ တာသံ မနိန္ဒြိယံ ဥပ္ပဇ္ဇိဿတိ. ဣတရာသံ ဣတ္ထီနံ ဥပပဇ္ဇန္တီနံ တာသံ ဣတ္ထိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ဣတ္ထိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ဣတ္ထီနံ ဥပပဇ္ဇန္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ဣတ္ထိန္ဒြိယံ ဥပ္ပဇ္ဇတိ. ဣတ္ထီနံ ဥပပဇ္ဇန္တီနံ တာသံ မနိန္ဒြိယဉ္စ ဥပ္ပဇ္ဇိဿတိ ဣတ္ထိန္ဒြိယဉ္စ ဥပ္ပဇ္ဇတိ. (ဣတ္ထိန္ဒြိယမူလကံ)
၃၆၉. (က) ယဿ ပုရိသိန္ဒြိယံ ဥပ္ပဇ္ဇတိ တဿ ဇီဝိတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇတိ၊ နော စ တေသံ ဇီဝိတိန္ဒြိယံ ဥပ္ပဇ္ဇိဿတိ. ဣတရေသံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယဉ္စ ဥပ္ပဇ္ဇတိ ဇီဝိတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဇီဝိတိန္ဒြိယံ ဥပ္ပဇ္ဇိဿတိ တဿ ပုရိသိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ပုရိသာနံ ဥပပဇ္ဇန္တာနံ တေသံ ဇီဝိတိန္ဒြိယံ ဥပ္ပဇ္ဇိဿတိ၊ နော စ တေသံ ပုရိသိန္ဒြိယံ ဥပ္ပဇ္ဇတိ. ပုရိသာနံ ဥပပဇ္ဇန္တာနံ တေသံ ဇီဝိတိန္ဒြိယဉ္စ ဥပ္ပဇ္ဇိဿတိ ပုရိသိန္ဒြိယဉ္စ ဥပ္ပဇ္ဇတိ.
(က) ယဿ ပုရိသိန္ဒြိယံ ဥပ္ပဇ္ဇတိ တဿ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပုရိသာနံ ဥပပဇ္ဇန္တာနံ ယေ စ ပုရိသာ ဥပေက္ခာယ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇတိ၊ နော စ တေသံ သောမနဿိန္ဒြိယံ ဥပ္ပဇ္ဇိဿတိ. ဣတရေသံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောမနဿိန္ဒြိယံ ဥပ္ပဇ္ဇိဿတိ၊ တဿ ပုရိသိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ပုရိသာနံ ဥပပဇ္ဇန္တာနံ တေသံ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ ပုရိသိန္ဒြိယံ ဥပ္ပဇ္ဇတိ. ပုရိသာနံ ဥပပဇ္ဇန္တာနံ တေသံ သောမနဿိန္ဒြိယဉ္စ ဥပ္ပဇ္ဇိဿတိ ပုရိသိန္ဒြိယဉ္စ ဥပ္ပဇ္ဇတိ.
(က) ယဿ ပုရိသိန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပုရိသာနံ ဥပပဇ္ဇန္တာနံ ယေ စ ပုရိသာ သောမနဿေန ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရေသံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ ပုရိသိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ပုရိသာနံ ဥပပဇ္ဇန္တာနံ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ ပုရိသိန္ဒြိယံ ဥပ္ပဇ္ဇတိ. ပုရိသာနံ ဥပပဇ္ဇန္တာနံ တေသံ ဥပေက္ခိန္ဒြိယဉ္စ ဥပ္ပဇ္ဇိဿတိ ပုရိသိန္ဒြိယဉ္စ ဥပ္ပဇ္ဇတိ.
ယဿ ပုရိသိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ ပုရိသာနံ ဥပပဇ္ဇန္တာနံ တေသံ ပုရိသိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ပုရိသိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ န ပုရိသာနံ ဥပပဇ္ဇန္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ပုရိသိန္ဒြိယံ ဥပ္ပဇ္ဇတိ. ပုရိသာနံ ဥပပဇ္ဇန္တာနံ တေသံ မနိန္ဒြိယဉ္စ ဥပ္ပဇ္ဇိဿတိ ပုရိသိန္ဒြိယဉ္စ ဥပ္ပဇ္ဇတိ. (ပုရိသိန္ဒြိယမူလကံ)
၃၇၀. (က) ယဿ ဇီဝိတိန္ဒြိယံ ဥပ္ပဇ္ဇတိ တဿ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ဥပေက္ခာသမ္ပယုတ္တပစ္ဆိမစိတ္တံ ဥပ္ပဇ္ဇိဿတိ တဿ စိတ္တဿ ဥပ္ပါဒက္ခဏေ တေသံ ဇီဝိတိန္ဒြိယံ ဥပ္ပဇ္ဇတိ၊ နော စ တေသံ သောမနဿိန္ဒြိယံ ဥပ္ပဇ္ဇိဿတိ. ဣတရေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ ဇီဝိတိန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန သောမနဿိန္ဒြိယံ ဥပ္ပဇ္ဇိဿတိ တဿ ဇီဝိတိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ ဇီဝိတိန္ဒြိယံ ဥပ္ပဇ္ဇတိ. သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ သောမနဿိန္ဒြိယဉ္စ ဥပ္ပဇ္ဇိဿတိ ဇီဝိတိန္ဒြိယဉ္စ ဥပ္ပဇ္ဇတိ.
(က) ယဿ ဇီဝိတိန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ သောမနဿသမ္ပယုတ္တပစ္ဆိမစိတ္တံ ဥပ္ပဇ္ဇိဿတိ တဿ စိတ္တဿ ဥပ္ပါဒက္ခဏေ တေသံ ဇီဝိတိန္ဒြိယံ ဥပ္ပဇ္ဇတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ ဇီဝိတိန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ ဇီဝိတိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ ဇီဝိတိန္ဒြိယံ ဥပ္ပဇ္ဇတိ. သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ ဥပေက္ခိန္ဒြိယဉ္စ ဥပ္ပဇ္ဇိဿတိ ဇီဝိတိန္ဒြိယဉ္စ ဥပ္ပဇ္ဇတိ.
ယဿ ဇီဝိတိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ တေသံ ဇီဝိတိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ ဇီဝိတိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ဇီဝိတိန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ဇီဝိတိန္ဒြိယံ ဥပ္ပဇ္ဇတိ. သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ တေသံ မနိန္ဒြိယဉ္စ ဥပ္ပဇ္ဇိဿတိ ဇီဝိတိန္ဒြိယဉ္စ ဥပ္ပဇ္ဇတိ. (ဇီဝိတိန္ဒြိယမူလကံ)
၃၇၁. (က) ယဿ သောမနဿိန္ဒြိယံ ဥပ္ပဇ္ဇတိ တဿ ဥပေက္ခိန္ဒြိယံ ဥပ္ပဇ္ဇိဿတီတိ?
သောမနဿသမ္ပယုတ္တပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ သောမနဿသမ္ပယုတ္တပစ္ဆိမစိတ္တံ ဥပ္ပဇ္ဇိဿတိ တဿ စိတ္တဿ ဥပ္ပါဒက္ခဏေ တေသံ သောမနဿိန္ဒြိယံ ဥပ္ပဇ္ဇတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇိဿတိ. ဣတရေသံ သောမနဿေန ဥပပဇ္ဇန္တာနံ ပဝတ္တေ သောမနဿသမ္ပယုတ္တစိတ္တဿ ဥပ္ပါဒက္ခဏေ တေသံ သောမနဿိန္ဒြိယဉ္စ ဥပ္ပဇ္ဇတိ ဥပေက္ခိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ဥပေက္ခိန္ဒြိယံ ဥပ္ပဇ္ဇိဿတိ တဿ သောမနဿိန္ဒြိယံ ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ သောမနဿဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဥပေက္ခိန္ဒြိယံ ဥပ္ပဇ္ဇိဿတိ၊ နော စ တေသံ သောမနဿိန္ဒြိယံ ဥပ္ပဇ္ဇတိ. သောမနဿေန ဥပပဇ္ဇန္တာနံ ပဝတ္တေ သောမနဿသမ္ပယုတ္တစိတ္တဿ ဥပ္ပါဒက္ခဏေ တေသံ ဥပေက္ခိန္ဒြိယဉ္စ ဥပ္ပဇ္ဇိဿတိ သောမနဿိန္ဒြိယဉ္စ ဥပ္ပဇ္ဇတိ.
ယဿ သောမနဿိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
သောမနဿသမ္ပယုတ္တပစ္ဆိမစိတ္တဿ ဥပ္ပါဒက္ခဏေ တေသံ သောမနဿိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ သောမနဿေန ဥပပဇ္ဇန္တာနံ ပဝတ္တေ သောမနဿသမ္ပယုတ္တစိတ္တဿ ဥပ္ပါဒက္ခဏေ တေသံ သောမနဿိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ သောမနဿိန္ဒြိယံ ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ သောမနဿဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ သောမနဿိန္ဒြိယံ ဥပ္ပဇ္ဇတိ. သောမနဿေန ဥပပဇ္ဇန္တာနံ ပဝတ္တေ သောမနဿသမ္ပယုတ္တစိတ္တဿ ဥပ္ပါဒက္ခဏေ တေသံ မနိန္ဒြိယဉ္စ ဥပ္ပဇ္ဇိဿတိ သောမနဿိန္ဒြိယဉ္စ ဥပ္ပဇ္ဇတိ. (သောမနဿိန္ဒြိယမူလကံ)
၃၇၂. ယဿ ဥပေက္ခိန္ဒြိယံ ဥပ္ပဇ္ဇတိ တဿ သဒ္ဓိန္ဒြိယံ။ပေ။ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ဥပေက္ခာသမ္ပယုတ္တပစ္ဆိမစိတ္တဿ ဥပ္ပါဒက္ခဏေ တေသံ ဥပေက္ခိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ ဥပေက္ခာယ ဥပပဇ္ဇန္တာနံ ပဝတ္တေ ဥပေက္ခာသမ္ပယုတ္တစိတ္တဿ ဥပ္ပါဒက္ခဏေ တေသံ ဥပေက္ခိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ဥပေက္ခိန္ဒြိယံ ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဥပေက္ခာဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ဥပေက္ခိန္ဒြိယံ ဥပ္ပဇ္ဇတိ. ဥပေက္ခာယ ဥပပဇ္ဇန္တာနံ ပဝတ္တေ ဥပေက္ခာသမ္ပယုတ္တစိတ္တဿ ဥပ္ပါဒက္ခဏေ တေသံ မနိန္ဒြိယဉ္စ ဥပ္ပဇ္ဇိဿတိ ဥပေက္ခိန္ဒြိယဉ္စ ဥပ္ပဇ္ဇတိ. (ဥပေက္ခိန္ဒြိယမူလကံ)
၃၇၃. ယဿ သဒ္ဓိန္ဒြိယံ ဥပ္ပဇ္ဇတိ တဿ ပညိန္ဒြိယံ။ပေ။ မနိန္ဒြိယံ ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ တေသံ သဒ္ဓိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ သဟေတုကာနံ ဥပပဇ္ဇန္တာနံ ပဝတ္တေ သဒ္ဓါသမ္ပယုတ္တစိတ္တဿ ဥပ္ပါဒက္ခဏေ တေသံ သဒ္ဓိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ သဒ္ဓိန္ဒြိယံ ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ သဒ္ဓါဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ သဒ္ဓိန္ဒြိယံ ဥပ္ပဇ္ဇတိ. သဟေတုကာနံ ဥပပဇ္ဇန္တာနံ ပဝတ္တေ သဒ္ဓါသမ္ပယုတ္တစိတ္တဿ ဥပ္ပါဒက္ခဏေ တေသံ မနိန္ဒြိယဉ္စ ဥပ္ပဇ္ဇိဿတိ သဒ္ဓိန္ဒြိယဉ္စ ဥပ္ပဇ္ဇတိ. (သဒ္ဓိန္ဒြိယမူလကံ)
၃၇၄. (က) ယဿ ပညိန္ဒြိယံ ဥပ္ပဇ္ဇတိ တဿ မနိန္ဒြိယံ ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ တေသံ ပညိန္ဒြိယံ ဥပ္ပဇ္ဇတိ၊ နော စ တေသံ မနိန္ဒြိယံ ဥပ္ပဇ္ဇိဿတိ. ဣတရေသံ ဉာဏသမ္ပယုတ္တာနံ ဥပပဇ္ဇန္တာနံ ပဝတ္တေ ဉာဏသမ္ပယုတ္တစိတ္တဿ ဥပ္ပါဒက္ခဏေ တေသံ ပညိန္ဒြိယဉ္စ ဥပ္ပဇ္ဇတိ မနိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန မနိန္ဒြိယံ ဥပ္ပဇ္ဇိဿတိ တဿ ပညိန္ဒြိယံ ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဉာဏဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ မနိန္ဒြိယံ ဥပ္ပဇ္ဇိဿတိ၊ နော စ တေသံ ပညိန္ဒြိယံ ဥပ္ပဇ္ဇတိ. ဉာဏသမ္ပယုတ္တာနံ ဥပပဇ္ဇန္တာနံ ပဝတ္တေ ဉာဏသမ္ပယုတ္တစိတ္တဿ ဥပ္ပါဒက္ခဏေ တေသံ မနိန္ဒြိယဉ္စ ဥပ္ပဇ္ဇိဿတိ ပညိန္ဒြိယဉ္စ ဥပ္ပဇ္ဇတိ. (ပညိန္ဒြိယမူလကံ)
(ခ) အနုလောမဩကာသော
၃၇၅. ယတ္ထ စက္ခုန္ဒြိယံ ဥပ္ပဇ္ဇတိ တတ္ထ သောတိန္ဒြိယံ ဥပ္ပဇ္ဇိဿတီတိ?။ပေ။.
(ဂ) အနုလောမပုဂ္ဂလောကာသာ
၃၇၆. (က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ သောတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ သောတိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ သောတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ သောတိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ သောတိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ တတ္ထ သောတိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ ဃာနိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရံ ဥပပဇ္ဇန္တာနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ ဃာနိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ ဃာနိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ ဃာနိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ ဣတ္ထိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရံ ဥပပဇ္ဇန္တာနံ ယေ စ ပုရိသာ ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ ဣတ္ထိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ ဣတ္ထိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ ဣတ္ထိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဣတ္ထိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဣတ္ထိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ ပုရိသိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရံ ဥပပဇ္ဇန္တာနံ ယာ စ ဣတ္ထိယော ဧတေနေဝ ဘာဝေန ကတိစိ ဘဝေ ဒဿေတွာ ပရိနိဗ္ဗာယိဿန္တိ တာသံ ဥပပဇ္ဇန္တီနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ ပုရိသိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ ပုရိသိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ ပုရိသိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ပုရိသိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ပုရိသိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ ဇီဝိတိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ ဇီဝိတိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ ဇီဝိတိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ ဇီဝိတိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ ဇီဝိတိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ တတ္ထ ဇီဝိတိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.
(က) ယဿ ယတ္ထ စက္ခုန္ဒြိယံ ဥပ္ပဇ္ဇတိ တဿ တတ္ထ သောမနဿိန္ဒြိယံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ သစက္ခုကာ ဥပေက္ခာယ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ တတ္ထ စက္ခုန္ဒြိယံ ဥပ္ပဇ္ဇတိ၊ နော စ တေသံ တတ္ထ သောမနဿိန္ဒြိယံ ဥပ္ပဇ္ဇိဿတိ. ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခုန္ဒြိယဉ္စ ဥပ္ပဇ္ဇတိ သောမနဿိန္ဒြိယဉ္စ ဥပ္ပဇ္ဇိဿတိ.
(ခ) ယဿ ဝါ ပန ယတ္ထ သောမနဿိန္ဒြိယံ ဥပ္ပဇ္ဇိဿတိ တဿ တတ္ထ စက္ခုန္ဒြိယံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ သောမနဿိန္ဒြိယံ ဥပ္ပဇ္ဇိဿတိ၊ နော စ တေသံ တတ္ထ စက္ခုန္ဒြိယံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ တတ္ထ သောမနဿိန္ဒြိယဉ္စ ဥပ္ပဇ္ဇိဿတိ စက္ခုန္ဒြိယဉ္စ ဥပ္ပဇ္ဇတိ.