၂. ပဒသောဓနမူလစက္ကဝါရော

(က) အနုလောမံ

၁၂. (က) စက္ခု စက္ခုဓာတူတိ?

ဒိဗ္ဗစက္ခု ပညာစက္ခု စက္ခု၊ န စက္ခုဓာတု. စက္ခုဓာတု စက္ခု စေဝ စက္ခုဓာတု စ.

(ခ) ဓာတူ သောတဓာတူတိ?

သောတဓာတု ဓာတု စေဝ သောတဓာတု စ. အဝသေသာ ဓာတူ [အဝသေသာ ဓာတူ ဓာတူ (သျာ.)] န သောတဓာတု.

(က) စက္ခု စက္ခုဓာတူတိ?

ဒိဗ္ဗစက္ခု ပညာစက္ခု စက္ခု၊ န စက္ခုဓာတု. စက္ခုဓာတု စက္ခု စေဝ စက္ခုဓာတု စ. ဓာတူ ဃာနဓာတု။ပေ။ ဓာတူ ဓမ္မဓာတူတိ?

ဓမ္မဓာတု ဓာတု စေဝ ဓမ္မဓာတု စ. အဝသေသာ ဓာတူ န ဓမ္မဓာတု.

(ယထာ အာယတနယမကေ ပဏ္ဏတ္တိ ဧဝံ ဓာတုယမကေပိ ပဏ္ဏတ္တိ. စက္ကံ ဗန္ဓိတဗ္ဗံ).

(ခ) ပစ္စနီကံ

၁၃. (က) န စက္ခု န စက္ခုဓာတူတိ? အာမန္တာ.

(ခ) န ဓာတူ န သောတဓာတူတိ? အာမန္တာ.

န စက္ခု န စက္ခုဓာတူတိ? အာမန္တာ.

န ဓာတူ န ဃာနဓာတု။ပေ။ န ဓာတူ န ဓမ္မဓာတူတိ? အာမန္တာ.

(စက္ကံ ဗန္ဓိတဗ္ဗံ၊ သဗ္ဗေ အာမန္တာ ဥဘတောပိ သေသေပိ).