၂. ပဒသောဓနမူလစက္ကဝါရော

၁၂. (က) စက္ခု စက္ခာယတနန္တိ?

ဒိဗ္ဗစက္ခု ပညာစက္ခု စက္ခု၊ န စက္ခာယတနံ. စက္ခာယတနံ စက္ခု စေဝ စက္ခာယတနဉ္စ။ပေ။.

(ခ) အာယတနာ သောတာယတနန္တိ?

သောတာယတနံ အာယတနဉ္စေဝ သောတာယတနဉ္စ. အဝသေသာ အာယတနာ န သောတာယတနံ.

စက္ခု စက္ခာယတနန္တိ?

အာယတနာ ဃာနာယတနန္တိ။ပေ။ အာယတနာ ဓမ္မာယတနန္တိ?

ဓမ္မာယတနံ အာယတနဉ္စေဝ ဓမ္မာယတနဉ္စ. အဝသေသာ အာယတနာ န ဓမ္မာယတနံ.

သောတံ သောတာယတနန္တိ?။ပေ။ အဝသေသာ အာယတနာ န ဓမ္မာယတနံ။ပေ။.

ဓမ္မော ဓမ္မာယတနန္တိ?

ဓမ္မာယတနံ ဌပေတွာ အဝသေသော ဓမ္မော၊ န ဓမ္မာယတနံ. ဓမ္မာယတနံ ဓမ္မော စေဝ ဓမ္မာယတနဉ္စ။ပေ။.

အာယတနာ စက္ခာယတနန္တိ?

စက္ခာယတနံ အာယတနဉ္စေဝ စက္ခာယတနဉ္စ. အဝသေသာ အာယတနာ န စက္ခာယတနံ.

ဓမ္မော ဓမ္မာယတနန္တိ?

ဓမ္မာယတနံ ဌပေတွာ အဝသေသော ဓမ္မော၊ န ဓမ္မာယတနံ. ဓမ္မာယတနံ ဓမ္မော စေဝ ဓမ္မာယတနဉ္စ.

အာယတနာ သောတာယတနန္တိ။ပေ။ အာယတနာ မနာယတနန္တိ?

မနာယတနံ အာယတနဉ္စေဝ မနာယတနဉ္စ. အဝသေသာ အာယတနာ န မနာယတနံ.

(ဧကေကပဒမူလကံ စက္ကံ ဗန္ဓိတဗ္ဗံ အသမ္မောဟန္တေန).

၁၃. (က) န စက္ခု န စက္ခာယတနန္တိ? အာမန္တာ.

(ခ) နာယတနာ န သောတာယနန္တိ? အာမန္တာ.

(က) န စက္ခု န စက္ခာယတနန္တိ? အာမန္တာ.

(ခ) နာယတနာ န ဃာနာယတနန္တိ? အာမန္တာ.။ပေ။.

နာယတနာ န ဓမ္မာယတနန္တိ? အာမန္တာ.

န သောတံ န သောတာယတနန္တိ? အာမန္တာ.

နာယတနာ န စက္ခာယတနံ။ပေ။ နာယတနာ န ဓမ္မာယတနန္တိ? အာမန္တာ.

န ဃာနံ န ဃာနာယတနံ။ပေ။ နာယတနာ န ဓမ္မာယတနန္တိ?

အာမန္တာ.။ပေ။.

(က) န ဓမ္မော န ဓမ္မာယတနန္တိ? အာမန္တာ.

(ခ) နာယတနာ န စက္ခာယတနန္တိ? အာမန္တာ.

န ဓမ္မော န ဓမ္မာယတနန္တိ? အာမန္တာ.

နာယတနာ န သောတာယတနံ။ပေ။ နာယတနာ န မနာယတနန္တိ? အာမန္တာ.

(စက္ကံ ဗန္ဓန္တေန သဗ္ဗတ္ထ အာမန္တာတိ ကာတဗ္ဗံ).