၁၉. အတီတာရမ္မဏတ္တိကံ

၁-၇. ပဋိစ္စဝါရာဒိ

၄၇. အတီတာရမ္မဏံ ဓမ္မံ ပဋိစ္စ နအတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နအနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နအနာဂတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နအနာဂတာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နအနာဂတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ. (၇) (သံခိတ္တံ.)

ဟေတုယာ ဧကဝီသ။ပေ။ အဝိဂတေ ဧကဝီသ.