၁. ပစ္စယာနုလောမံ

ဟေတုပစ္စယော

၃၅. ပီတိသဟဂတံ ဓမ္မံ ပဋိစ္စ နပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နပီတိသဟဂတော စ နဥပေက္ခာသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နသုခသဟဂတော စ နဥပေက္ခာသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နပီတိသဟဂတော စ နသုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ. ပီတိသဟဂတံ ဓမ္မံ ပဋိစ္စ နပီတိသဟဂတော စ နသုခသဟဂတော စ နဥပေက္ခာသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၇)

သုခသဟဂတံ ဓမ္မံ ပဋိစ္စ နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ။ သတ္တ.

ဥပေက္ခာသဟဂတံ ဓမ္မံ ပဋိစ္စ နဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ။ သတ္တ.

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ နပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ။ သတ္တ. (သံခိတ္တံ.)

ဟေတုယာ အဋ္ဌဝီသ၊ အာရမ္မဏေ စတုဝီသ။ပေ။ အဝိဂတေ အဋ္ဌဝီသ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ).