၂-၆-၁. သဟေတုကာဒိဒုကာနိ-ဟေတုဒုကံ

၁၈. နသဟေတုကံ နဟေတုံ ဓမ္မံ ပဋိစ္စ နသဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နဟေတုံ ဓမ္မံ ပဋိစ္စ နအဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နဟေတုံ ဓမ္မံ ပဋိစ္စ နသဟေတုကော နဟေတု စ နအဟေတုကော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအဟေတုကံ နဟေတုံ ဓမ္မံ ပဋိစ္စ နအဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအဟေတုကံ နဟေတုံ ဓမ္မံ ပဋိစ္စ နသဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအဟေတုကံ နဟေတုံ ဓမ္မံ ပဋိစ္စ နသဟေတုကော နဟေတု စ နအဟေတုကော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နသဟေတုကံ နဟေတုဉ္စ နအဟေတုကံ နဟေတုဉ္စ ဓမ္မံ ပဋိစ္စ နသဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နဟေတုဉ္စ နအဟေတုကံ နဟေတုဉ္စ ဓမ္မံ ပဋိစ္စ နအဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နဟေတုဉ္စ နအဟေတုကံ နဟေတုဉ္စ ဓမ္မံ ပဋိစ္စ နသဟေတုကော နဟေတု စ နအဟေတုကော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ. (သဗ္ဗတ္ထ ဝိတ္ထာရော.)

၁၉. နအဟေတုကံ နနဟေတုံ ဓမ္မံ ပဋိစ္စ နအဟေတုကော နနဟေတု ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ ဧကံ။ပေ။ အဝိဂတေ ဧကံ. (သဗ္ဗတ္ထ ဧကံ.)

၂၀. နဟေတုသမ္ပယုတ္တံ နဟေတုံ ဓမ္မံ ပဋိစ္စ။.

နဟေတုဝိပ္ပယုတ္တံ နနဟေတုံ ဓမ္မံ ပဋိစ္စ။.

၂၁. နဟေတုဉ္စေဝ နအဟေတုကဉ္စ နဟေတုံ ဓမ္မံ ပဋိစ္စ။ပေ။ နအဟေတုကဉ္စေဝ နန စ ဟေတုံ ဓမ္မံ ပဋိစ္စ။ပေ။ နဟေတုဉ္စေဝ နဟေတုဝိပ္ပယုတ္တဉ္စ နဟေတုံ ဓမ္မံ ပဋိစ္စ။ပေ။ နဟေတုဝိပ္ပယုတ္တဉ္စေဝ နန စ ဟေတုံ ဓမ္မံ ပဋိစ္စ။.

၂၂. နဟေတုံ နသဟေတုကံ နဟေတုံ ဓမ္မံ ပဋိစ္စ။ပေ။ နဟေတုံ နအဟေတုကံ နဟေတုံ ဓမ္မံ ပဋိစ္စ။.