၁၀၀-၈၃. သရဏဒုက-ဒဿနာဒိဒုကာနိ

၅၄. နသရဏံ နဒဿနေန ပဟာတဗ္ဗံ ဓမ္မံ ပဋိစ္စ။ပေ။ နသရဏံ နနဒဿနေန ပဟာတဗ္ဗံ ဓမ္မံ ပဋိစ္စ။ပေ။ နသရဏံ နဘာဝနာယ ပဟာတဗ္ဗံ ဓမ္မံ ပဋိစ္စ။ပေ။ နသရဏံ နနဘာဝနာယ ပဟာတဗ္ဗံ ဓမ္မံ ပဋိစ္စ ။ပေ။ နသရဏံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ ။ပေ။ နသရဏံ နနဒဿနေန ပဟာတဗ္ဗဟေတုကံ ဓမ္မံ ပဋိစ္စ။ပေ။ နသရဏံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။.

နသရဏံ နနဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။.

၅၅. နသရဏံ နသဝိတက္ကံ ဓမ္မံ ပဋိစ္စ။ပေ။ နသရဏံ နအဝိတက္ကံ ဓမ္မံ ပဋိစ္စ။ပေ။ နသရဏံ နသဝိစာရံ ဓမ္မံ ပဋိစ္စ။.

နသရဏံ နအဝိစာရံ ဓမ္မံ ပဋိစ္စ။.

၅၆. နသရဏံ နသပ္ပီတိကံ ဓမ္မံ ပဋိစ္စ။ပေ။ နသရဏံ နအပ္ပီတိကံ ဓမ္မံ ပဋိစ္စ။ပေ။ နသရဏံ နပီတိသဟဂတံ ဓမ္မံ ပဋိစ္စ။ပေ။ နသရဏံ နနပီတိသဟဂတံ ဓမ္မံ ပဋိစ္စ။ပေ။ နသရဏံ နသုခသဟဂတံ ဓမ္မံ ပဋိစ္စ။ပေ။ နသရဏံ နနသုခသဟဂတံ ဓမ္မံ ပဋိစ္စ။ပေ။ နသရဏံ နဥပေက္ခာသဟဂတံ ဓမ္မံ ပဋိစ္စ။.

၅၇. နသရဏံ နနဥပေက္ခာသဟဂတံ ဓမ္မံ ပဋိစ္စ။.

နသရဏံ နကာမာဝစရံ ဓမ္မံ ပဋိစ္စ။.

နသရဏံ နနကာမာဝစရံ ဓမ္မံ ပဋိစ္စ။.

၅၈. နသရဏံ နရူပါဝစရံ ဓမ္မံ ပဋိစ္စ။ပေ။ နသရဏံ နနရူပါဝစရံ ဓမ္မံ ပဋိစ္စ။ပေ။ နသရဏံ နအရူပါဝစရံ ဓမ္မံ ပဋိစ္စ။.

နသရဏံ နနအရူပါဝစရံ ဓမ္မံ ပဋိစ္စ။.

နသရဏံ နပရိယာပန္နံ ဓမ္မံ ပဋိစ္စ။.

နသရဏံ နအပရိယာပန္နံ ဓမ္မံ ပဋိစ္စ။.

၅၉. နသရဏံ နနိယျာနိကံ ဓမ္မံ ပဋိစ္စ။.

နသရဏံ နအနိယျာနိကံ ဓမ္မံ ပဋိစ္စ။.

နသရဏံ နနိယတံ ဓမ္မံ ပဋိစ္စ။.

နသရဏံ နအနိယတံ ဓမ္မံ ပဋိစ္စ။.

၆၀. နသရဏံ နသဥတ္တရံ ဓမ္မံ ပဋိစ္စ နသရဏော နသဥတ္တရော ဓမ္မော ဥပ္ပဇ္ဇတိ ဟေတုပစ္စယာ.

နသရဏံ နအနုတ္တရံ ဓမ္မံ ပဋိစ္စ နသရဏော နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ. (၁)

နအရဏံ နအနုတ္တရံ ဓမ္မံ ပဋိစ္စ နအရဏော နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နအနုတ္တရံ ဓမ္မံ ပဋိစ္စ နသရဏော နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နအနုတ္တရံ ဓမ္မံ ပဋိစ္စ နသရဏော နအနုတ္တရော စ နအရဏော နအနုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နသရဏံ နအနုတ္တရဉ္စ နအရဏံ နအနုတ္တရဉ္စ ဓမ္မံ ပဋိစ္စ နသရဏော နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ. (သဗ္ဗတ္ထ ဝိတ္ထာရော. သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဉှာဝါရမ္ပိ ဝိတ္ထာရေတဗ္ဗံ.)

ဓမ္မပစ္စနီယေ ဒုကဒုကပဋ္ဌာနံ နိဋ္ဌိတံ.

ပစ္စနီယပဋ္ဌာနံ နိဋ္ဌိတံ.