၁-၇. ပဋိစ္စဝါရာဒိ

ဟေတုပစ္စယော

၁. နကုသလံ နဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုံ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုံ ဓမ္မံ ပဋိစ္စ နကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နကုသလံ နဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

၂. နအကုသလံ နဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုံ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုံ ဓမ္မံ ပဋိစ္စ နအကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နအကုသလံ နဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

၃. နအဗျာကတံ နဟေတုံ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ နကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ နအကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နအဗျာကတံ နဟေတုံ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ဆ.

၄. နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

၅. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နအဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နအကုသလော နဟေတု စ နအဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. ပဉ္စ.

၆. နကုသလံ နဟေတုဉ္စ နအကုသလံ နဟေတုဉ္စ ဓမ္မံ ပဋိစ္စ နကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအကုသလံ နဟေတုဉ္စ ဓမ္မံ ပဋိစ္စ နအကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နဟေတုဉ္စ နအကုသလံ နဟေတုဉ္စ ဓမ္မံ ပဋိစ္စ နကုသလော နဟေတု စ နအကုသလော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ. (သံခိတ္တံ.)

ဟေတုယာ ဧကူနတိံသ၊ အာရမ္မဏေ စတုဝီသ။ပေ။ အဝိဂတေ ဧကူနတိံသ (သဗ္ဗတ္ထ ဝိတ္ထာရော).

၇. နကုသလံ နနဟေတုံ ဓမ္မံ ပဋိစ္စ နကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ နအကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ နအဗျာကတော နနဟေတု ဓမ္မော ဥပ္ပဇ္ဇတိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ နကုသလော နနဟေတု စ နအဗျာကတော နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. နကုသလံ နနဟေတုံ ဓမ္မံ ပဋိစ္စ နကုသလော နနဟေတု စ နအကုသလော နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၅)

နအကုသလံ နနဟေတုံ ဓမ္မံ ပဋိစ္စ နအကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

နအဗျာကတံ နနဟေတုံ ဓမ္မံ ပဋိစ္စ နအဗျာကတော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ.

နကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ နကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နအကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ နအကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နကုသလံ နနဟေတုဉ္စ နအကုသလံ နနဟေတုဉ္စ ဓမ္မံ ပဋိစ္စ နကုသလော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ စတုဝီသ၊ အာရမ္မဏေ စတုဝီသ။ပေ။ အဝိဂတေ စတုဝီသ. (သဗ္ဗတ္ထ ဝိတ္ထာရော.)