ဓမ္မပစ္စနီယေ ဒုကတိကပဋ္ဌာနံ

၁-၁. ဟေတုဒုက-ကုသလတ္တိကံ

၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. နဟေတုံ နကုသလံ ဓမ္မံ ပဋိစ္စ နဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ အကုသလံ အဗျာကတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ. နဟေတုံ နကုသလံ ဓမ္မံ ပဋိစ္စ နနဟေတုံ နကုသလော ဓမ္မော ဥပ္ပဇ္ဇတိ ဟေတုပစ္စယာ – နဟေတူ အကုသလေ အဗျာကတေ ခန္ဓေ ပဋိစ္စ ဟေတူ. နဟေတုံ နကုသလံ ဓမ္မံ ပဋိစ္စ နဟေတု နကုသလော စ နနဟေတု နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနဟေတုံ နကုသလံ ဓမ္မံ ပဋိစ္စ နနဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နကုသလံ ဓမ္မံ ပဋိစ္စ နဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နကုသလံ ဓမ္မံ ပဋိစ္စ နဟေတု နကုသလော စ နနဟေတု နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နကုသလဉ္စ နနဟေတုံ နကုသလဉ္စ ဓမ္မံ ပဋိစ္စ နဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နကုသလဉ္စ နနဟေတုံ နကုသလဉ္စ ဓမ္မံ ပဋိစ္စ နနဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နကုသလဉ္စ နနဟေတုံ နကုသလဉ္စ ဓမ္မံ ပဋိစ္စ နဟေတု နကုသလော စ နနဟေတု နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

၂. ဟေတုယာ နဝ။ပေ။ အဝိဂတေ နဝ.

နဟေတုယာ ဒွေ.

(သဟဇာတဝါရေပိ။ပေ။ သမ္ပယုတ္တဝါရေပိ သဗ္ဗတ္ထ ဝိတ္ထာရော.)

ဟေတု-အာရမ္မဏပစ္စယာ

၃. နနဟေတု နကုသလော ဓမ္မော နနဟေတုဿ နကုသလဿ ဓမ္မဿ ဟေတုပစ္စယေန ပစ္စယော. နနဟေတု နကုသလော ဓမ္မော နဟေတုဿ နကုသလဿ ဓမ္မဿ ဟေတုပစ္စယေန ပစ္စယော. နနဟေတု နကုသလော ဓမ္မော နဟေတုဿ နကုသလဿ စ နနဟေတုဿ နကုသလဿ စ ဓမ္မဿ ဟေတုပစ္စယေန ပစ္စယော. (၃)

နဟေတု နကုသလော ဓမ္မော နဟေတုဿ နကုသလဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.)

၄. ဟေတုယာ တီဏိ၊ အာရမ္မဏေ နဝ။ပေ။ အဝိဂတေ နဝ. (ပဉှာဝါရံ ဧဝံ ဝိတ္ထာရေတဗ္ဗံ).

၅. နဟေတုံ နအကုသလံ ဓမ္မံ ပဋိစ္စ နဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ကုသလံ အဗျာကတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ နဟေတုံ နအကုသလံ ဓမ္မံ ပဋိစ္စ နနဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ – နဟေတူ ကုသလေ အဗျာကတေ ခန္ဓေ ပဋိစ္စ ဟေတူ. နဟေတုံ နအကုသလံ ဓမ္မံ ပဋိစ္စ နဟေတု နအကုသလော စ နနဟေတု နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနဟေတုံ နအကုသလံ ဓမ္မံ ပဋိစ္စ နနဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နအကုသလံ ဓမ္မံ ပဋိစ္စ နဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နအကုသလံ ဓမ္မံ ပဋိစ္စ နဟေတု နအကုသလော စ နနဟေတု နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နအကုသလဉ္စ နနဟေတုံ နအကုသလဉ္စ ဓမ္မံ ပဋိစ္စ နဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအကုသလဉ္စ နနဟေတုံ နအကုသလဉ္စ ဓမ္မံ ပဋိစ္စ နနဟေတု နအကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအကုသလဉ္စ နနဟေတုံ နအကုသလဉ္စ ဓမ္မံ ပဋိစ္စ နဟေတု နအကုသလော စ နနဟေတု နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ).

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ နဝ.)

၆. နဟေတုံ နအဗျာကတံ ဓမ္မံ ပဋိစ္စ နဟေတု နအဗျာကတော ဓမ္မော ဥပ္ပဇ္ဇတိ ဟေတုပစ္စယာ – ကုသလာကုသလံ နဟေတုံ ဧကံ ခန္ဓံ ပဋိစ္စ တယော ခန္ဓာ၊ တယော ခန္ဓေ ပဋိစ္စ ဧကော ခန္ဓော. နဟေတုံ နအဗျာကတံ ဓမ္မံ ပဋိစ္စ နနဟေတု နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအဗျာကတံ ဓမ္မံ ပဋိစ္စ နဟေတု နအဗျာကတော စ နနဟေတု နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနဟေတုံ နအဗျာကတံ ဓမ္မံ ပဋိစ္စ နနဟေတု နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ နအဗျာကတဉ္စ နနဟေတုံ နအဗျာကတဉ္စ ဓမ္မံ ပဋိစ္စ နဟေတု နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအဗျာကတဉ္စ နနဟေတုံ နအဗျာကတဉ္စ ဓမ္မံ ပဋိစ္စ နနဟေတု နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအဗျာကတဉ္စ နနဟေတုံ နအဗျာကတဉ္စ ဓမ္မံ ပဋိစ္စ နဟေတု နအဗျာကတော စ နနဟေတု နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ နဝ.)

၁-၂ ဟေတုဒုက-ဝေဒနာတ္တိကံ

၇. နဟေတုံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဟေတု နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နနဟေတု နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ. (သဗ္ဗတ္ထ နဝ.)

၈. နဟေတုံ နဒုက္ခာယ ဝေဒနာယ သမ္ပယုတ္တံ ဓမ္မံ ပဋိစ္စ နဟေတု နဒုက္ခာယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ. (သဗ္ဗတ္ထ နဝ.)

၉. နဟေတုံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဟေတု နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ. (သဗ္ဗတ္ထ နဝ.)

၁-၃-၉. ဟေတုဒုက-ဝိပါကာဒိတ္တိကာနိ

၁၀. နဟေတုံ နဝိပါကံ ဓမ္မံ ပဋိစ္စ။ပေ။.

နဟေတုံ နဝိပါကဓမ္မဓမ္မံ ပဋိစ္စ။ပေ။.

နဟေတုံ နနေဝဝိပါကနဝိပါကဓမ္မဓမ္မံ ပဋိစ္စ။ပေ။.

၁၁. နဟေတုံ နဥပါဒိန္နုပါဒါနိယံ ဓမ္မံ ပဋိစ္စ။ပေ။.

နဟေတုံ နအနုပါဒိန္နုပါဒါနိယံ ဓမ္မံ ပဋိစ္စ။ပေ။.

နဟေတုံ နအနုပါဒိန္နအနုပါဒါနိယံ ဓမ္မံ ပဋိစ္စ။ပေ။.

၁၂. နဟေတုံ နသံကိလိဋ္ဌသံကိလေသိကံ ဓမ္မံ ပဋိစ္စ။ပေ။.

နဟေတုံ နအသံကိလိဋ္ဌသံကိလေသိကံ ဓမ္မံ ပဋိစ္စ။ပေ။.

နဟေတုံ နအသံကိလိဋ္ဌအသံကိလေသိကံ ဓမ္မံ ပဋိစ္စ။ပေ။.

၁၃. နဟေတုံ နသဝိတက္ကသဝိစာရံ ဓမ္မံ ပဋိစ္စ။ပေ။.

နဟေတုံ နအဝိတက္ကဝိစာရမတ္တံ ဓမ္မံ ပဋိစ္စ။ပေ။.

နဟေတုံ နအဝိတက္ကအဝိစာရံ ဓမ္မံ ပဋိစ္စ။ပေ။.

၁၄. နဟေတုံ နပီတိသဟဂတံ ဓမ္မံ ပဋိစ္စ။ပေ။.

နဟေတုံ နသုခသဟဂတံ ဓမ္မံ ပဋိစ္စ။ပေ။.

နဟေတုံ နဥပေက္ခာသဟဂတံ ဓမ္မံ ပဋိစ္စ။ပေ။.

၁၅. နဟေတုံ နဒဿနေန ပဟာတဗ္ဗံ ဓမ္မံ ပဋိစ္စ။ပေ။.

နဟေတုံ နဘာဝနာယ ပဟာတဗ္ဗံ ဓမ္မံ ပဋိစ္စ။ပေ။.

နဟေတုံ နနေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ။ပေ။.

၁၆. နဟေတုံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ။ပေ။.

နဟေတုံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။ပေ။.

နဟေတုံ နနေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။ပေ။.

၁-၁၀-၂၁. ဟေတုဒုက-အာစယဂါမာဒိတ္တိကာနိ

၁၇. နဟေတုံ နအာစယဂါမိံ ဓမ္မံ ပဋိစ္စ။ပေ။.

နဟေတုံ နအပစယဂါမိံ ဓမ္မံ ပဋိစ္စ။ပေ။.

နဟေတုံ နနေဝအာစယဂါမိံ နာပစယဂါမိံ ဓမ္မံ ပဋိစ္စ။ပေ။.

၁၈. နဟေတုံ နသေက္ခံ ဓမ္မံ ပဋိစ္စ။ပေ။.

နဟေတုံ နအသေက္ခံ ဓမ္မံ ပဋိစ္စ။ပေ။.

နဟေတုံ နနေဝသေက္ခနာသေက္ခံ ဓမ္မံ ပဋိစ္စ။ပေ။.

၁၉. နဟေတုံ နပရိတ္တံ ဓမ္မံ ပဋိစ္စ။ပေ။.

နဟေတုံ နမဟဂ္ဂတံ ဓမ္မံ ပဋိစ္စ။ပေ။.

နဟေတုံ နအပ္ပမာဏံ ဓမ္မံ ပဋိစ္စ။ပေ။.

၂၀. နဟေတုံ နပရိတ္တာရမ္မဏံ ဓမ္မံ ပဋိစ္စ။ပေ။.

နဟေတုံ နမဟဂ္ဂတာရမ္မဏံ ဓမ္မံ ပဋိစ္စ။ပေ။.

နဟေတုံ နအပ္ပမာဏာရမ္မဏံ ဓမ္မံ ပဋိစ္စ။ပေ။.

၂၁. နဟေတုံ နဟီနံ ဓမ္မံ ပဋိစ္စ။ပေ။.

နဟေတုံ နမဇ္ဈိမံ ဓမ္မံ ပဋိစ္စ ။ပေ။.

နဟေတုံ နပဏီတံ ဓမ္မံ ပဋိစ္စ။ပေ။.

၂၂. နဟေတုံ နမိစ္ဆတ္တနိယတံ ဓမ္မံ ပဋိစ္စ။ပေ။.

နဟေတုံ နသမ္မတ္တနိယတံ ဓမ္မံ ပဋိစ္စ။ပေ။.

နဟေတုံ နအနိယတံ ဓမ္မံ ပဋိစ္စ။ပေ။.

၂၃. နဟေတုံ နမဂ္ဂါရမ္မဏံ ဓမ္မံ ပဋိစ္စ။ပေ။.

နဟေတုံ နမဂ္ဂဟေတုကံ ဓမ္မံ ပဋိစ္စ။ပေ။.

နဟေတုံ နမဂ္ဂါဓိပတိံ ဓမ္မံ ပဋိစ္စ။ပေ။.

၂၄. နဟေတုံ နအနုပ္ပန္နံ ဓမ္မံ ပဋိစ္စ။ပေ။.

နဟေတုံ နဥပ္ပါဒိံ ဓမ္မံ ပဋိစ္စ။ပေ။.

၂၅. နဟေတုံ နအတီတံ ဓမ္မံ ပဋိစ္စ။ပေ။.

နဟေတုံ နအနာဂတံ ဓမ္မံ ပဋိစ္စ။ပေ။.

၂၆. နဟေတုံ နအတီတာရမ္မဏံ ဓမ္မံ ပဋိစ္စ။ပေ။.

နဟေတုံ နအနာဂတာရမ္မဏံ ဓမ္မံ ပဋိစ္စ။ပေ။.

နဟေတုံ နပစ္စုပ္ပန္နာရမ္မဏံ ဓမ္မံ ပဋိစ္စ။ပေ။.

၂၇. နဟေတုံ နအဇ္ဈတ္တံ ဓမ္မံ ပဋိစ္စ။ပေ။.

နဟေတုံ နဗဟိဒ္ဓါ ဓမ္မံ ပဋိစ္စ။ပေ။.

၂၈. နဟေတုံ နအဇ္ဈတ္တာရမ္မဏံ ဓမ္မံ ပဋိစ္စ။ပေ။.

နဟေတုံ နဗဟိဒ္ဓါရမ္မဏံ ဓမ္မံ ပဋိစ္စ။ပေ။.

၁-၂၂. ဟေတုဒုက-သနိဒဿနတ္တိကံ

၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၉. နဟေတုံ နသနိဒဿနသပ္ပဋိဃံ ဓမ္မံ ပဋိစ္စ နဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသနိဒဿနသပ္ပဋိဃံ ဓမ္မံ ပဋိစ္စ နနဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသနိဒဿနသပ္ပဋိဃံ ဓမ္မံ ပဋိစ္စ နဟေတု နသနိဒဿနသပ္ပဋိဃော စ နနဟေတု နသနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနဟေတုံ နသနိဒဿနသပ္ပဋိဃံ ဓမ္မံ ပဋိစ္စ နနဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နသနိဒဿနသပ္ပဋိဃံ ဓမ္မံ ပဋိစ္စ နဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နသနိဒဿနသပ္ပဋိဃံ ဓမ္မံ ပဋိစ္စ နဟေတု နသနိဒဿနသပ္ပဋိဃော စ နနဟေတု နသနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နသနိဒဿနသပ္ပဋိဃဉ္စ နနဟေတုံ နသနိဒဿနသပ္ပဋိဃဉ္စ ဓမ္မံ ပဋိစ္စ နဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသနိဒဿနသပ္ပဋိဃဉ္စ နနဟေတုံ နသနိဒဿနသပ္ပဋိဃဉ္စ ဓမ္မံ ပဋိစ္စ နနဟေတု နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသနိဒဿနသပ္ပဋိဃဉ္စ နနဟေတုံ နသနိဒဿနသပ္ပဋိဃဉ္စ ဓမ္မံ ပဋိစ္စ နဟေတု နသနိဒဿနသပ္ပဋိဃော စ နနဟေတု နသနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ နဝ.)

၃၀. နဟေတုံ နအနိဒဿနသပ္ပဋိဃံ ဓမ္မံ ပဋိစ္စ နဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအနိဒဿနသပ္ပဋိဃံ ဓမ္မံ ပဋိစ္စ နနဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအနိဒဿနသပ္ပဋိဃံ ဓမ္မံ ပဋိစ္စ နဟေတု နအနိဒဿနသပ္ပဋိဃော စ နနဟေတု နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနဟေတုံ နအနိဒဿနသပ္ပဋိဃံ ဓမ္မံ ပဋိစ္စ နနဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နအနိဒဿနသပ္ပဋိဃံ ဓမ္မံ ပဋိစ္စ နဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နအနိဒဿနသပ္ပဋိဃံ ဓမ္မံ ပဋိစ္စ နဟေတု နအနိဒဿနသပ္ပဋိဃော စ နနဟေတု နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နအနိဒဿနသပ္ပဋိဃဉ္စ နနဟေတုံ နအနိဒဿနသပ္ပဋိဃဉ္စ ဓမ္မံ ပဋိစ္စ နဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအနိဒဿနသပ္ပဋိဃဉ္စ နနဟေတုံ နအနိဒဿနသပ္ပဋိဃဉ္စ ဓမ္မံ ပဋိစ္စ နနဟေတု နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအနိဒဿနသပ္ပဋိဃဉ္စ နနဟေတုံ နအနိဒဿနသပ္ပဋိဃဉ္စ ဓမ္မံ ပဋိစ္စ နဟေတု နအနိဒဿနသပ္ပဋိဃော စ နနဟေတု နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဟဇာတဝါရေပိ။ပေ။ သမ္ပယုတ္တဝါရေပိ သဗ္ဗတ္ထ ဝိတ္ထာရော.)

ဟေတု-အာရမ္မဏပစ္စယာ

၃၁. နနဟေတု နအနိဒဿနသပ္ပဋိဃော ဓမ္မော နနဟေတုဿ နအနိဒဿနသပ္ပဋိဃဿ ဓမ္မဿ ဟေတုပစ္စယေန ပစ္စယော. နနဟေတု နအနိဒဿနသပ္ပဋိဃော ဓမ္မော နဟေတုဿ နအနိဒဿနသပ္ပဋိဃဿ ဓမ္မဿ ဟေတုပစ္စယေန ပစ္စယော. နနဟေတု နအနိဒဿနသပ္ပဋိဃော ဓမ္မော နဟေတုဿ နအနိဒဿနသပ္ပဋိဃဿ စ နနဟေတုဿ နအနိဒဿနသပ္ပဋိဃဿ စ ဓမ္မဿ ဟေတုပစ္စယေန ပစ္စယော. (၃)

နဟေတု နအနိဒဿနသပ္ပဋိဃော ဓမ္မော နဟေတုဿ နအနိဒဿနသပ္ပဋိဃဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.)

ဟေတုယာ တီဏိ၊ အာရမ္မဏေ နဝ။ပေ။ ဥပနိဿယေ နဝ၊ ပုရေဇာတေ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ သမ္ပယုတ္တေ နဝ၊ ဝိပ္ပယုတ္တေ ပဉ္စ။ပေ။ အဝိဂတေ နဝ. (ပဉှာဝါရံ ဧဝံ ဝိတ္ထာရေတဗ္ဗံ.)

၃၂. နဟေတုံ နအနိဒဿနအပ္ပဋိဃံ ဓမ္မံ ပဋိစ္စ နဟေတု နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဧကံ. (သဗ္ဗတ္ထ ဝိတ္ထာရော.)

၂-၃-၁. သဟေတုကဒုကာဒိ-ကုသလတ္တိကံ

၃၃. နသဟေတုကံ နကုသလံ ဓမ္မံ ပဋိစ္စ နသဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ဧကံ မဟာဘူတံ ပဋိစ္စ တယော မဟာဘူတာ။ပေ။ ဒွေ မဟာဘူတေ။ပေ။ နသဟေတုကံ နကုသလံ ဓမ္မံ ပဋိစ္စ နအဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ. နသဟေတုကံ နကုသလံ ဓမ္မံ ပဋိစ္စ နသဟေတုကော နကုသလော စ နအဟေတုကော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအဟေတုကံ နကုသလံ ဓမ္မံ ပဋိစ္စ နအဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နသဟေတုကံ နကုသလဉ္စ နအဟေတုကံ နကုသလဉ္စ ဓမ္မံ ပဋိစ္စ နသဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ.

၃၄. နသဟေတုကံ နအကုသလံ ဓမ္မံ ပဋိစ္စ နသဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နအဟေတုကံ နအကုသလံ ဓမ္မံ ပဋိစ္စ နအဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နသဟေတုကံ နအကုသလဉ္စ နအဟေတုကံ နအကုသလဉ္စ ဓမ္မံ ပဋိစ္စ နသဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ.

၃၅. နသဟေတုကံ နအဗျာကတံ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)

နအဟေတုကံ နအဗျာကတံ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)

နသဟေတုကံ နအဗျာကတဉ္စ နအဟေတုကံ နအဗျာကတဉ္စ ဓမ္မံ ပဋိစ္စ နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ တီဏိ.

(ဟေတုသမ္ပယုတ္တဒုကံ သဟေတုကဒုကသဒိသံ.)

၄-၅-၁. ဟေတုသဟေတုကဒုကာဒိ-ကုသလတ္တိကံ

၃၆. နဟေတုဉ္စေဝ နအဟေတုကဉ္စ နကုသလံ ဓမ္မံ ပဋိစ္စ နဟေတု စေဝ နအဟေတုကော စ နကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နအဟေတုကဉ္စ နကုသလံ ဓမ္မံ ပဋိစ္စ နအဟေတုကော စေဝ နန စ ဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နအဟေတုကဉ္စ နကုသလံ ဓမ္မံ ပဋိစ္စ နဟေတု စေဝ နအဟေတုကော စ နကုသလော စ နအဟေတုကော စေဝ နန စ ဟေတု နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအဟေတုကဉ္စေဝ နန စ ဟေတုံ နကုသလံ ဓမ္မံ ပဋိစ္စ နအဟေတုကော စေဝ နန စ ဟေတု နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုဉ္စေဝ နအဟေတုကဉ္စ နကုသလဉ္စ နအဟေတုကဉ္စေဝ နန စ ဟေတုံ နကုသလဉ္စ ဓမ္မံ ပဋိစ္စ နဟေတု စေဝ နအဟေတုကော စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ.

၃၇. နဟေတုဉ္စေဝ နအဟေတုကဉ္စ နအကုသလံ ဓမ္မံ ပဋိစ္စ နဟေတု စေဝ နအဟေတုကော စ နအကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ.

၃၈. နဟေတုဉ္စေဝ နအဟေတုကဉ္စ နအဗျာကတံ ဓမ္မံ ပဋိစ္စ နဟေတု စေဝ နအဟေတုကော စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ.

(ဟေတုဟေတုသမ္ပယုတ္တဒုကံ ဟေတုသဟေတုကဒုကသဒိသံ.)

၆-၁. နဟေတုသဟေတုကဒုက-ကုသလတ္တိကံ

၃၉. နဟေတုံ နသဟေတုကံ နကုသလံ ဓမ္မံ ပဋိစ္စ နဟေတု နသဟေတုကော နကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ.

၄၀. နဟေတုံ နသဟေတုကံ နအကုသလံ ဓမ္မံ ပဋိစ္စ နဟေတု နသဟေတုကော နအကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ.

၄၁. နဟေတုံ နအဟေတုကံ နအဗျာကတံ ဓမ္မံ ပဋိစ္စ နဟေတု နအဟေတုကော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ. (ဧကပဉှမေဝ. ဧတေန ဥပါယေန ကုသလာကုသလဒုကံ ကုသလတ္တိကမေဝ ဧတ္ထ ဝဋ္ဋတိ.)

၇-၁၃-၁. စူဠန္တရဒုကာနိ-ကုသလတ္တိကံ

၄၂. နအပစ္စယံ နကုသလံ ဓမ္မံ ပဋိစ္စ။ပေ။. (သဗ္ဗတ္ထ ဧကံ.) နအသင်္ခတံ နကုသလံ ဓမ္မံ ပဋိစ္စ။ပေ။.

၄၃. နသနိဒဿနံ နကုသလံ ဓမ္မံ ပဋိစ္စ။.

၄၄. နသပ္ပဋိဃံ နကုသလံ ဓမ္မံ ပဋိစ္စ။ပေ။ နအပ္ပဋိဃံ နကုသလံ ဓမ္မံ ပဋိစ္စ။.

၄၅. နရူပိံ နကုသလံ ဓမ္မံ ပဋိစ္စ။ပေ။ နအရူပိံ နကုသလံ ဓမ္မံ ပဋိစ္စ ။.

၄၆. နလောကိယံ နကုသလံ ဓမ္မံ ပဋိစ္စ။ပေ။ နလောကုတ္တရံ နကုသလံ ဓမ္မံ ပဋိစ္စ။.

၄၇. နကေနစိ ဝိညေယျံ နကုသလံ ဓမ္မံ ပဋိစ္စ။ပေ။ နနကေနစိ ဝိညေယျံ နကုသလံ ဓမ္မံ ပဋိစ္စ။.

၁၄-၁၉-၁. အာသဝဂေါစ္ဆက-ကုသလတ္တိကံ

၄၈. နအာသဝံ နကုသလံ ဓမ္မံ ပဋိစ္စ။ပေ။ နနောအာသဝံ နကုသလံ ဓမ္မံ ပဋိစ္စ။.

၄၉. နသာသဝံ နကုသလံ ဓမ္မံ ပဋိစ္စ။ပေ။ နအနာသဝံ ကုသလံ ဓမ္မံ ပဋိစ္စ။.

၅၀. နအာသဝသမ္ပယုတ္တံ နကုသလံ ဓမ္မံ ပဋိစ္စ။ပေ။ နအာသဝဝိပ္ပယုတ္တံ နကုသလံ ဓမ္မံ ပဋိစ္စ။.

၅၁. နအာသဝဉ္စေဝ နအနာသဝဉ္စ နကုသလံ ဓမ္မံ ပဋိစ္စ။ပေ။ နအနာသဝဉ္စေဝ နနော စ အာသဝံ နကုသလံ ဓမ္မံ ပဋိစ္စ။.

၅၂. နအာသဝဉ္စေဝ နအာသဝဝိပ္ပယုတ္တဉ္စ နကုသလံ ဓမ္မံ ပဋိစ္စ။ပေ။ နအာသဝဝိပ္ပယုတ္တဉ္စေဝ နနော စ အာသဝံ နကုသလံ ဓမ္မံ ပဋိစ္စ။.

၅၃. အာသဝဝိပ္ပယုတ္တံ နသာသဝံ နကုသလံ ဓမ္မံ ပဋိစ္စ။ပေ။ အာသဝဝိပ္ပယုတ္တံ နအနာသဝံ နကုသလံ ဓမ္မံ ပဋိစ္စ။.

၂၀-၅၄-၁. ဆဂေါစ္ဆကာနိ-ကုသလတ္တိကံ

၅၄. နောသညောဇနံ နကုသလံ ဓမ္မံ ပဋိစ္စ။ပေ။ နနောသညောဇနံ နကုသလံ ဓမ္မံ ပဋိစ္စ။.

၅၅. နောဂန္ထံ နကုသလံ ဓမ္မံ ပဋိစ္စ။ပေ။ နောဩဃံ။ပေ။ နောယောဂံ။ပေ။ နောနီဝရဏံ.