၄. ဟေတုသဟေတုကဒုကံ
၁-၇. ပဋိစ္စဝါရာဒိ
၁၁. နဟေတုဉ္စေဝ နအဟေတုကဉ္စ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နအဟေတုကဉ္စ ဓမ္မံ ပဋိစ္စ နအဟေတုကော စေဝ န နဟေတု စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နအဟေတုကဉ္စ ဓမ္မံ ပဋိစ္စ နဟေတု စေဝ နအဟေတုကော စ နအဟေတုကော စေဝ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
နအဟေတုကဉ္စေဝ န နဟေတုဉ္စ ဓမ္မံ ပဋိစ္စ နအဟေတုကော စေဝ န နဟေတု စ ဓမ္မော ဥပ္ပဇ္ဇတိ ဟေတုပစ္စယာ. နအဟေတုကဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. နအဟေတုကဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နအဟေတုကော စ နအဟေတုကော စေဝ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
နဟေတုဉ္စေဝ နအဟေတုကဉ္စ နအဟေတုကဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)
ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ.
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရော.)