၈၂. ကိလေသဝိပ္ပယုတ္တသံကိလေသိကဒုကံ

၇၅. ကိလေသဝိပ္ပယုတ္တံ နသံကိလေသိကံ ဓမ္မံ ပဋိစ္စ ကိလေသဝိပ္ပယုတ္တော နသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. ကိလေသဝိပ္ပယုတ္တံ နသံကိလေသိကံ ဓမ္မံ ပဋိစ္စ ကိလေသဝိပ္ပယုတ္တော နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. ကိလေသဝိပ္ပယုတ္တံ နသံကိလေသိကံ ဓမ္မံ ပဋိစ္စ ကိလေသဝိပ္ပယုတ္တော နသံကိလေသိကော စ ကိလေသဝိပ္ပယုတ္တော နအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

ကိလေသဝိပ္ပယုတ္တံ နအသံကိလေသိကံ ဓမ္မံ ပဋိစ္စ ကိလေသဝိပ္ပယုတ္တော နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကိလေသဝိပ္ပယုတ္တံ နသံကိလေသိကဉ္စ ကိလေသဝိပ္ပယုတ္တံ နအသံကိလေသိကဉ္စ ဓမ္မံ ပဋိစ္စ ကိလေသဝိပ္ပယုတ္တော နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ. (သဗ္ဗတ္ထ ဝိတ္ထာရော.)