၇၆. သံကိလေသိကဒုကံ

၆၉. နသံကိလေသိကံ ဓမ္မံ ပဋိစ္စ နသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. နသံကိလေသိကံ ဓမ္မံ ပဋိစ္စ နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. နသံကိလေသိကံ ဓမ္မံ ပဋိစ္စ နသံကိလေသိကော စ နအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအသံကိလေသိကံ ဓမ္မံ ပဋိစ္စ နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁)

နသံကိလေသိကဉ္စ နအသံကိလေသိကဉ္စ ဓမ္မံ ပဋိစ္စ နအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ။ပေ။ အဝိဂတေ ပဉ္စ. (သဗ္ဗတ္ထ ဝိတ္ထာရော.)