၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၅. နသဟေတုကံ ဓမ္မံ ပဋိစ္စ နသဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ဧကံ မဟာဘူတံ ပဋိစ္စ တယော မဟာဘူတာ။ပေ။ ဒွေ မဟာဘူတေ ပဋိစ္စ ဒွေ မဟာဘူတာ၊ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ. နသဟေတုကံ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ. နသဟေတုကံ ဓမ္မံ ပဋိစ္စ နသဟေတုကော စ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအဟေတုကံ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နသဟေတုကဉ္စ နအဟေတုကဉ္စ ဓမ္မံ ပဋိစ္စ နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နသဟေတုကဉ္စ နအဟေတုကဉ္စ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. နသဟေတုကဉ္စ နအဟေတုကဉ္စ ဓမ္မံ ပဋိစ္စ နသဟေတုကော စ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

၆. ဟေတုယာ နဝ၊ အာရမ္မဏေ ဆ။ပေ။ အဝိဂတေ နဝ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဧဝံ ဝိတ္ထာရေတဗ္ဗံ.)

ဟေတု-အာရမ္မဏပစ္စယာ

၇. နသဟေတုကော ဓမ္မော နသဟေတုကဿ ဓမ္မဿ ဟေတုပစ္စယေန ပစ္စယော. နသဟေတုကော ဓမ္မော နအဟေတုကဿ ဓမ္မဿ ဟေတုပစ္စယေန ပစ္စယော. နသဟေတုကော ဓမ္မော နသဟေတုကဿ စ နအဟေတုကဿ စ ဓမ္မဿ ဟေတုပစ္စယေန ပစ္စယော. (၃)

နအဟေတုကော ဓမ္မော နအဟေတုကဿ ဓမ္မဿ ဟေတုပစ္စယေန ပစ္စယော။ တီဏိ.

နသဟေတုကော ဓမ္မော နသဟေတုကဿ ဓမ္မဿ အာရမ္မဏပစ္စယေန ပစ္စယော (သံခိတ္တံ.)

၈. ဟေတုယာ ဆ၊ အာရမ္မဏေ နဝ။ပေ။ အဝိဂတေ နဝ.

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)