၂၈. ဂန္ထသမ္ပယုတ္တဒုကံ

၄၂. နဂန္ထသမ္ပယုတ္တံ ဓမ္မံ ပဋိစ္စ နဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထသမ္ပယုတ္တံ ဓမ္မံ ပဋိစ္စ နဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထသမ္ပယုတ္တံ ဓမ္မံ ပဋိစ္စ နဂန္ထသမ္ပယုတ္တော စ နဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဂန္ထဝိပ္ပယုတ္တံ ဓမ္မံ ပဋိစ္စ နဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထဝိပ္ပယုတ္တံ ဓမ္မံ ပဋိစ္စ နဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထဝိပ္ပယုတ္တံ ဓမ္မံ ပဋိစ္စ နဂန္ထသမ္ပယုတ္တော စ နဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဂန္ထသမ္ပယုတ္တဉ္စ နဂန္ထဝိပ္ပယုတ္တဉ္စ ဓမ္မံ ပဋိစ္စ နဂန္ထသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထသမ္ပယုတ္တဉ္စ နဂန္ထဝိပ္ပယုတ္တဉ္စ ဓမ္မံ ပဋိစ္စ နဂန္ထဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နဂန္ထသမ္ပယုတ္တဉ္စ နဂန္ထဝိပ္ပယုတ္တဉ္စ ဓမ္မံ ပဋိစ္စ နဂန္ထသမ္ပယုတ္တော စ နဂန္ထဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ၊ အာရမ္မဏေ ဆ၊ အဓိပတိယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)