၂၆. ဂန္ထဒုကံ

၄၀. နောဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နောဂန္ထံ ဓမ္မံ ပဋိစ္စ နနောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နောဂန္ထံ ဓမ္မံ ပဋိစ္စ နောဂန္ထော စ နနောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနောဂန္ထံ ဓမ္မံ ပဋိစ္စ နနောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နနောဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နနောဂန္ထံ ဓမ္မံ ပဋိစ္စ နောဂန္ထော စ နနောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နောဂန္ထဉ္စ နနောဂန္ထဉ္စ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နောဂန္ထဉ္စ နနောဂန္ထဉ္စ ဓမ္မံ ပဋိစ္စ နနောဂန္ထော ဓမ္မော ဥပ္ပဇ္ဇတိ ဟေတုပစ္စယာ. နောဂန္ထဉ္စ နနောဂန္ထဉ္စ ဓမ္မံ ပဋိစ္စ နောဂန္ထော စ နနောဂန္ထော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ နဝ.)