၂၄. သညောဇနသညောဇနသမ္ပယုတ္တဒုကံ

၃၈. နသညောဇနဉ္စေဝ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနော စေဝ နသညောဇနဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နသညောဇနဉ္စေဝ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနဝိပ္ပယုတ္တော စေဝ နနောသညောဇနော စ ဓမ္မော ဥပ္ပဇ္ဇတိ ဟေတုပစ္စယာ. နသညောဇနဉ္စေဝ နသညောဇနဝိပ္ပယုတ္တဉ္စ ဓမ္မံ ပဋိစ္စ နသညောဇနော စေဝ နသညောဇနဝိပ္ပယုတ္တော စ နသညောဇနဝိပ္ပယုတ္တော စေဝ နနော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နသညောဇနဝိပ္ပယုတ္တဉ္စေဝ နနော စ သညောဇနံ ဓမ္မံ ပဋိစ္စ နသညောဇနဝိပ္ပယုတ္တော စေဝ နနော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ. နသညောဇနဝိပ္ပယုတ္တဉ္စေဝ နနော စ သညောဇနံ ဓမ္မံ ပဋိစ္စ နသညောဇနော စေဝ နသညောဇနဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နသညောဇနဝိပ္ပယုတ္တဉ္စေဝ နနော စ သညောဇနံ ဓမ္မံ ပဋိစ္စ နသညောဇနော စေဝ နသညောဇနဝိပ္ပယုတ္တော စ နသညောဇနဝိပ္ပယုတ္တော စေဝ နနော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နသညောဇနဉ္စေဝ နသညောဇနဝိပ္ပယုတ္တဉ္စ နသညောဇနဝိပ္ပယုတ္တဉ္စေဝ နနော စ သညောဇနဉ္စ ဓမ္မံ ပဋိစ္စ နသညောဇနော စေဝ နသညောဇနဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)