၁၈. အာသဝအာသဝသမ္ပယုတ္တဒုကံ

၁-၇. ပဋိစ္စဝါရာဒိ

၃၂. နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝဝိပ္ပယုတ္တော စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ နအာသဝဝိပ္ပယုတ္တော စေဝ နနောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအာသဝဝိပ္ပယုတ္တဉ္စေဝ နနောအာသဝဉ္စ ဓမ္မံ ပဋိစ္စ နအာသဝဝိပ္ပယုတ္တော စေဝ နနောအာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. နအာသဝဝိပ္ပယုတ္တဉ္စေဝ နနောအာသဝဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နအာသဝဝိပ္ပယုတ္တဉ္စေဝ နနော စ အာသဝံ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ နအာသဝဝိပ္ပယုတ္တော စေဝ နနော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအာသဝဉ္စေဝ နအာသဝဝိပ္ပယုတ္တဉ္စ နအာသဝဝိပ္ပယုတ္တဉ္စေဝ နနောအာသဝဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နအာသဝဉ္စေဝ နအာသဝဝိပ္ပယုတ္တဉ္စ နအာသဝဝိပ္ပယုတ္တဉ္စေဝ နနော စ အာသဝဉ္စ ဓမ္မံ ပဋိစ္စ နအာသဝဝိပ္ပယုတ္တော စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. နအာသဝဉ္စေဝ နအာသဝဝိပ္ပယုတ္တဉ္စ နအာသဝဝိပ္ပယုတ္တဉ္စေဝ နနော စ အာသဝဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ နအာသဝဝိပ္ပယုတ္တော စေဝ နနော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)