၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁. နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ။ပေ။ (ယာဝ မဟာဘူတာ). နဟေတုံ ဓမ္မံ ပဋိစ္စ န နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ။ပေ။ နဟေတုံ ဓမ္မံ ပဋိစ္စ နဟေတု စ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

န နဟေတုံ ဓမ္မံ ပဋိစ္စ န နဟေတု ဓမ္မော ဥပ္ပဇ္ဇတိ ဟေတုပစ္စယာ. န နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ. န နဟေတုံ ဓမ္မံ ပဋိစ္စ နဟေတု စ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုဉ္စ န နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စ န နဟေတုဉ္စ ဓမ္မံ ပဋိစ္စ န နဟေတု ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စ န နဟေတုဉ္စ ဓမ္မံ ပဋိစ္စ နဟေတု စ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

၂. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဧဝံ ဝိတ္ထာရေတဗ္ဗံ.)

ဟေတု-အာရမ္မဏပစ္စယာ

၃. န နဟေတု ဓမ္မော န နဟေတုဿ ဓမ္မဿ ဟေတုပစ္စယေန ပစ္စယော. န နဟေတု ဓမ္မော နဟေတုဿ ဓမ္မဿ ဟေတုပစ္စယေန ပစ္စယော. န နဟေတု ဓမ္မော နဟေတုဿ စ န နဟေတုဿ စ ဓမ္မဿ ဟေတုပစ္စယေန ပစ္စယော. (၃)

နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော. နဟေတု ဓမ္မော န နဟေတုဿ ဓမ္မဿ အာရမ္မဏပစ္စယေန ပစ္စယော. နဟေတု ဓမ္မော နဟေတုဿ စ န နဟေတုဿ စ ဓမ္မဿ အာရမ္မဏပစ္စယေန ပစ္စယော. (၃)

န နဟေတု ဓမ္မော န နဟေတုဿ ဓမ္မဿ အာရမ္မဏပစ္စယေန ပစ္စယော. န နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော. န နဟေတု ဓမ္မော နဟေတုဿ စ န နဟေတုဿ စ ဓမ္မဿ အာရမ္မဏပစ္စယေန ပစ္စယော. (၃)

နဟေတု စ န နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော. နဟေတု စ န နဟေတု စ ဓမ္မာ န နဟေတုဿ ဓမ္မဿ အာရမ္မဏပစ္စယေန ပစ္စယော. နဟေတု စ န နဟေတု စ ဓမ္မာ နဟေတုဿ စ န နဟေတုဿ စ ဓမ္မဿ အာရမ္မဏပစ္စယေန ပစ္စယော. (၃) (သံခိတ္တံ.)

၄. ဟေတုယာ တီဏိ၊ အာရမ္မဏေ နဝ။ပေ။ အဝိဂတေ နဝ. (ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)