၁-၇. ပဋိစ္စဝါရာဒိ

၃၀. နအာသဝသမ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝသမ္ပယုတ္တံ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝသမ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအာသဝဝိပ္ပယုတ္တံ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝဝိပ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝဝိပ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နအာသဝသမ္ပယုတ္တဉ္စ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝသမ္ပယုတ္တဉ္စ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. နအာသဝသမ္ပယုတ္တဉ္စ နအာသဝဝိပ္ပယုတ္တဉ္စ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

ဟေတုယာ နဝ၊ အာရမ္မဏေ ဆ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)