၁-၅၄. ဟေတုဒုက-မဟန္တရဒုကံ
၂၆. နဟေတုံ နသာရမ္မဏံ ဓမ္မံ ပဋိစ္စ ဟေတု သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နအနာရမ္မဏံ ဓမ္မံ ပဋိစ္စ နဟေတု အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၂၇. နဟေတုံ နောစိတ္တံ ဓမ္မံ ပဋိစ္စ နဟေတု စိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တံ ဓမ္မံ ပဋိစ္စ ဟေတု နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၂၈. နဟေတုံ နစေတသိကံ ဓမ္မံ ပဋိစ္စ ဟေတု စေတသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နအစေတသိကံ ဓမ္မံ ပဋိစ္စ နဟေတု အစေတသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၂၉. နဟေတုံ နစိတ္တသမ္ပယုတ္တံ ဓမ္မံ ပဋိစ္စ ဟေတု စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နစိတ္တဝိပ္ပယုတ္တံ ဓမ္မံ ပဋိစ္စ နဟေတု စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၀. နဟေတုံ နစိတ္တသံသဋ္ဌံ ဓမ္မံ ပဋိစ္စ ဟေတု စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နစိတ္တဝိသံသဋ္ဌံ ဓမ္မံ ပဋိစ္စ နဟေတု စိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၁. နဟေတုံ နောစိတ္တသမုဋ္ဌာနံ ဓမ္မံ ပဋိစ္စ ဟေတု စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တသမုဋ္ဌာနံ ဓမ္မံ ပဋိစ္စ ဟေတု နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၂. နဟေတုံ နောစိတ္တသဟဘုံ ဓမ္မံ ပဋိစ္စ ဟေတု စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တသဟဘုံ ဓမ္မံ ပဋိစ္စ နဟေတု နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၃. နဟေတုံ နစိတ္တာနုပရိဝတ္တိံ ဓမ္မံ ပဋိစ္စ ဟေတု စိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တာနုပရိဝတ္တိံ ဓမ္မံ ပဋိစ္စ နဟေတု နောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၄. နဟေတုံ နစိတ္တသံသဋ္ဌသမုဋ္ဌာနံ ဓမ္မံ ပဋိစ္စ ဟေတု စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၅. နဟေတုံ နောစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ ဟေတု စိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၆. နဟေတုံ နောစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ ဟေတု စိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ နဟေတု နောစိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၇. နဟေတုံ နအဇ္ဈတ္တိကံ ဓမ္မံ ပဋိစ္စ နဟေတု အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နဗာဟိရံ ဓမ္မံ ပဋိစ္စ ဟေတု ဗာဟိရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၈. နဟေတုံ နဥပါဒါ ဓမ္မံ ပဋိစ္စ နဟေတု ဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နဟေတုံ နနောဥပါဒါ ဓမ္မံ ပဋိစ္စ ဟေတု နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
၃၉. နဟေတုံ နအနုပါဒိန္နံ ဓမ္မံ ပဋိစ္စ နဟေတု အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.