၁၀၀-၇. သရဏဒုက-စူဠန္တရဒုကံ

၆၇. နသရဏော နသပ္ပစ္စယော ဓမ္မော အရဏဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော. အာရမ္မဏေ ဧကံ.

၆၈. နသရဏော နသင်္ခတော ဓမ္မော။ (သံခိတ္တံ).

၆၉. နသရဏံ နသနိဒဿနံ ဓမ္မံ ပဋိစ္စ အရဏော သနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နသရဏော နအနိဒဿနော ဓမ္မော သရဏဿ အနိဒဿနဿ ဓမ္မဿ အာရမ္မဏပစ္စယေန ပစ္စယော. နသရဏော နအနိဒဿနော ဓမ္မော အရဏဿ အနိဒဿနဿ ဓမ္မဿ အာရမ္မဏပစ္စယေန ပစ္စယော. အာရမ္မဏေ ဒွေ.

၇၀. နသရဏံ နသပ္ပဋိဃံ ဓမ္မံ ပဋိစ္စ အရဏော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၁. နသရဏံ နရူပိံ ဓမ္မံ ပဋိစ္စ အရဏော ရူပီ ဓမ္မော ဥပ္ပဇ္ဇတိ ဟေတုပစ္စယာ. နအရဏံ နရူပိံ ဓမ္မံ ပဋိစ္စ အရဏော ရူပီ ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

နသရဏံ နအရူပိံ ဓမ္မံ ပစ္စယာ သရဏော အရူပီ ဓမ္မော ဥပ္ပဇ္ဇတိ ဟေတုပစ္စယာ. နသရဏံ နအရူပိံ ဓမ္မံ ပစ္စယာ အရဏော အရူပီ ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၇၂. နသရဏံ နလောကိယံ ဓမ္မံ ပဋိစ္စ အရဏော လောကိယော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသရဏံ နလောကုတ္တရံ ဓမ္မံ ပစ္စယာ အရဏော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၇၃. နသရဏံ နကေနစိ ဝိညေယျံ ဓမ္မံ ပဋိစ္စ အရဏော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

နသရဏံ နကေနစိ နဝိညေယျံ ဓမ္မံ ပဋိစ္စ အရဏော ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.