၂၂-၁၃. သနိဒဿနတ္တိက-ပရိတ္တာရမ္မဏတ္တိကံ

၆၀. နသနိဒဿနသပ္ပဋိဃံ နပရိတ္တာရမ္မဏံ ဓမ္မံ ပဋိစ္စ အနိဒဿနအပ္ပဋိဃော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ တီဏိ.

နသနိဒဿနသပ္ပဋိဃံ နမဟဂ္ဂတာရမ္မဏံ ဓမ္မံ ပစ္စယာ အနိဒဿနအပ္ပဋိဃော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နသနိဒဿနသပ္ပဋိဃံ နအပ္ပမာဏာရမ္မဏံ ဓမ္မံ ပစ္စယာ အနိဒဿနအပ္ပဋိဃော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.