၂၂-၁၀. သနိဒဿနတ္တိက-အာစယဂါမိတ္တိကံ
၅၇. နသနိဒဿနသပ္ပဋိဃံ နအာစယဂါမိံ ဓမ္မံ ပစ္စယာ အနိဒဿနအပ္ပဋိဃော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နသနိဒဿနသပ္ပဋိဃံ နအပစယဂါမိံ ဓမ္မံ ပစ္စယာ အနိဒဿနအပ္ပဋိဃော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နသနိဒဿနသပ္ပဋိဃံ နနေဝါစယဂါမိနာပစယဂါမိံ ဓမ္မံ ပဋိစ္စ သနိဒဿနသပ္ပဋိဃော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ.