၂၂-၇. သနိဒဿနတ္တိက-ပီတိတ္တိကံ
၅၄. နသနိဒဿနသပ္ပဋိဃံ နပီတိသဟဂတံ ဓမ္မံ ပဋိစ္စ အနိဒဿနအပ္ပဋိဃော ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နသနိဒဿနသပ္ပဋိဃံ နသုခသဟဂတံ ဓမ္မံ ပဋိစ္စ အနိဒဿနအပ္ပဋိဃော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
နသနိဒဿနသပ္ပဋိဃံ နဥပေက္ခာသဟဂတံ ဓမ္မံ ပဋိစ္စ အနိဒဿနအပ္ပဋိဃော ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.