၁-၁၉-၂၀. ကုသလတ္တိက-အဇ္ဈတ္တတ္တိကဒွယံ

၂၃. နကုသလော နအဇ္ဈတ္တော ဓမ္မော အဇ္ဈတ္တဿ ကုသလဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.) အာရမ္မဏေ အဋ္ဌာရသ၊ အဓိပတိယာ သောဠသ၊ ဥပနိဿယေ အဋ္ဌာရသ၊ ပုရေဇာတေ အတ္ထိယာ အဝိဂတေ နဝ.

နကုသလော နဗဟိဒ္ဓါ ဓမ္မော ဗဟိဒ္ဓါ ကုသလဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.) အာရမ္မဏေ အဋ္ဌာရသ၊ အဓိပတိယာ ဆ၊ ဥပနိဿယေ အဋ္ဌာရသ၊ ပုရေဇာတေ အတ္ထိယာ အဝိဂတေ နဝ.

၂၄. နကုသလံ နအဇ္ဈတ္တာရမ္မဏံ ဓမ္မံ ပဋိစ္စ အဗျာကတော အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နကုသလံ နဗဟိဒ္ဓါရမ္မဏံ ဓမ္မံ ပဋိစ္စ အဗျာကတော ဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.