၆-၁၁-၁. ဝိတက္ကာဒိတ္တိကာနိ-ဟေတုဒုကံ

၄၁. နသဝိတက္ကသဝိစာရံ နဟေတုံ ဓမ္မံ ပဋိစ္စ သဝိတက္ကသဝိစာရော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပန္နရသ.

၄၂. နပီတိသဟဂတံ နဟေတုံ ဓမ္မံ ပဋိစ္စ ပီတိသဟဂတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌဝီသ.

၄၃. နဒဿနေန ပဟာတဗ္ဗံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၄၄. နဒဿနေန ပဟာတဗ္ဗဟေတုကံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၄၅. နအာစယဂါမိံ နဟေတုံ ဓမ္မံ ပဋိစ္စ အပစယဂါမီ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

၄၆. နသေက္ခံ နဟေတုံ ဓမ္မံ ပဋိစ္စ အသေက္ခော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.