၁-၉၉. ကုသလတ္တိက-သဥတ္တရဒုကံ

၃၅. နကုသလံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ. နအဗျာကတံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ. နအကုသလံ နသဥတ္တရဉ္စ နအဗျာကတံ နသဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ. နကုသလံ နသဥတ္တရဉ္စ နအကုသလံ နသဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ပဉ္စ.

နကုသလံ နအနုတ္တရံ ဓမ္မံ ပစ္စယာ ကုသလော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ.) ဟေတုယာ ဆ။ပေ။ ဝိပါကေ တီဏိ။ပေ။ အဝိဂတေ ဆ.