၈၃-၁၀၀-၂၂. ပိဋ္ဌိဒုကာဒိ-သနိဒဿနတ္တိကံ

၁၂၁. နဒဿနေန ပဟာတဗ္ဗံ နသနိဒဿနသပ္ပဋိဃံ ဓမ္မံ ပဋိစ္စ နဒဿနေန ပဟာတဗ္ဗော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၂. နဘာဝနာယ ပဟာတဗ္ဗံ နသနိဒဿနသပ္ပဋိဃံ ဓမ္မံ ပဋိစ္စ နဘာဝနာယ ပဟာတဗ္ဗော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၃. နဒဿနေန ပဟာတဗ္ဗဟေတုကံ နသနိဒဿနသပ္ပဋိဃံ ဓမ္မံ ပဋိစ္စ နဒဿနေန ပဟာတဗ္ဗဟေတုကော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၄. နဘာဝနာယ ပဟာတဗ္ဗဟေတုကံ နသနိဒဿနသပ္ပဋိဃံ ဓမ္မံ ပဋိစ္စ နဘာဝနာယ ပဟာတဗ္ဗဟေတုကော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၅. နသဝိတက္ကံ နသနိဒဿနသပ္ပဋိဃံ ဓမ္မံ ပဋိစ္စ အဝိတက္ကော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၆. နသဝိစာရံ နသနိဒဿနသပ္ပဋိဃံ ဓမ္မံ ပဋိစ္စ အဝိစာရော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၇. နသပ္ပီတိကံ နသနိဒဿနသပ္ပဋိဃံ ဓမ္မံ ပဋိစ္စ နသပ္ပီတိကော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၈. နပီတိသဟဂတံ နသနိဒဿနသပ္ပဋိဃံ ဓမ္မံ ပဋိစ္စ နပီတိသဟဂတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂၉. နသုခသဟဂတံ နသနိဒဿနသပ္ပဋိဃံ ဓမ္မံ ပဋိစ္စ နသုခသဟဂတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၀. နဥပေက္ခာသဟဂတံ နသနိဒဿနသပ္ပဋိဃံ ဓမ္မံ ပဋိစ္စ နဥပေက္ခာသဟဂတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၁. နကာမာဝစရံ နသနိဒဿနသပ္ပဋိဃံ ဓမ္မံ ပဋိစ္စ ကာမာဝစရော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၂. နရူပါဝစရံ နသနိဒဿနသပ္ပဋိဃံ ဓမ္မံ ပဋိစ္စ နရူပါဝစရော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၃. နအရူပါဝစရံ နသနိဒဿနသပ္ပဋိဃံ ဓမ္မံ ပဋိစ္စ နအရူပါဝစရော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၄. နပရိယာပန္နံ နသနိဒဿနသပ္ပဋိဃံ ဓမ္မံ ပဋိစ္စ ပရိယာပန္နော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၅. နနိယျာနိကံ နသနိဒဿနသပ္ပဋိဃံ ဓမ္မံ ပဋိစ္စ အနိယျာနိကော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၆. နနိယတံ နသနိဒဿနသပ္ပဋိဃံ ဓမ္မံ ပဋိစ္စ အနိယတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၇. နသဥတ္တရံ နသနိဒဿနသပ္ပဋိဃံ ဓမ္မံ ပဋိစ္စ သဥတ္တရော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃၈. နသရဏံ နသနိဒဿနသပ္ပဋိဃံ ဓမ္မံ ပဋိစ္စ အရဏော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နအရဏံ နသနိဒဿနသပ္ပဋိဃံ ဓမ္မံ ပဋိစ္စ အရဏော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နသရဏံ နသနိဒဿနသပ္ပဋိဃဉ္စ နအရဏံ နသနိဒဿနသပ္ပဋိဃဉ္စ ဓမ္မံ ပဋိစ္စ အရဏော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ. (အနိဒဿနသပ္ပဋိဃေ တီဏိယေဝ.)

နသရဏံ နအနိဒဿနအပ္ပဋိဃံ ဓမ္မံ ပဋိစ္စ အရဏော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

ပစ္စနီယံ

နဟေတု-နအာရမ္မဏပစ္စယာ

၁၃၉. နသရဏံ နသနိဒဿနသပ္ပဋိဃံ ဓမ္မံ ပဋိစ္စ အရဏော သနိဒဿနသပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ. ဧကံ.

နသရဏံ နသနိဒဿနသပ္ပဋိဃံ ဓမ္မံ ပဋိစ္စ အရဏော သနိဒဿနသပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ။ တီဏိ. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ တီဏိ။ပေ။ နောဝိဂတေ တီဏိ.

ဟေတုပစ္စယာ နအာရမ္မဏေ တီဏိ။ နအာရမ္မဏပစ္စယာ ဟေတုယာ တီဏိ.

(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ဝိတ္ထာရေတဗ္ဗံ.)