၁၅-၂၂. သာသဝဒုက-သနိဒဿနတ္တိကံ
၉၅. နသာသဝံ နသနိဒဿနသပ္ပဋိဃံ ဓမ္မံ ပဋိစ္စ သာသဝေါ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.
နအနာသဝံ နသနိဒဿနသပ္ပဋိဃံ ဓမ္မံ ပဋိစ္စ သာသဝေါ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ. ဂဏိတကေန တီဏိ.
(နသာသဝံ နအနိဒဿနသပ္ပဋိဃမူလဿ ပုရိမနယေန တီဏိ ပဉှာ.)
နအနာသဝံ နအနိဒဿနအပ္ပဋိဃံ ဓမ္မံ ပဋိစ္စ သာသဝေါ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.