၁၀-၂၂. သပ္ပဋိဃဒုက-သနိဒဿနတ္တိကံ

၉၀. နသပ္ပဋိဃံ နသနိဒဿနသပ္ပဋိဃံ ဓမ္မံ ပဋိစ္စ သပ္ပဋိဃော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နအပ္ပဋိဃံ နသနိဒဿနသပ္ပဋိဃံ ဓမ္မံ ပဋိစ္စ သပ္ပဋိဃော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နသပ္ပဋိဃံ နသနိဒဿနသပ္ပဋိဃဉ္စ နအပ္ပဋိဃံ နသနိဒဿနသပ္ပဋိဃဉ္စ ဓမ္မံ ပဋိစ္စ သပ္ပဋိဃော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ. (သဗ္ဗတ္ထ တီဏိ.)

နသပ္ပဋိဃံ နအနိဒဿနသပ္ပဋိဃံ ဓမ္မံ ပဋိစ္စ သပ္ပဋိဃော အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နအပ္ပဋိဃံ နအနိဒဿနအပ္ပဋိဃံ ဓမ္မံ ပဋိစ္စ အပ္ပဋိဃော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.