၈၃-၁၀၀-၁. ပိဋ္ဌိဒုကာနိ-ကုသလတ္တိကံ

၄၄. နဒဿနေန ပဟာတဗ္ဗံ နကုသလံ ဓမ္မံ ပစ္စယာ နဒဿနေန ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နဒဿနေန ပဟာတဗ္ဗံ နအကုသလံ ဓမ္မံ ပစ္စယာ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ. နဒဿနေန ပဟာတဗ္ဗံ နအကုသလံ ဓမ္မံ ပစ္စယာ နဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

နဒဿနေန ပဟာတဗ္ဗံ နအဗျာကတံ ဓမ္မံ ပဋိစ္စ နဒဿနေန ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နနဒဿနေန ပဟာတဗ္ဗံ နအဗျာကတံ ဓမ္မံ ပဋိစ္စ နဒဿနေန ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၄၅. နဘာဝနာယ ပဟာတဗ္ဗံ နကုသလံ ဓမ္မံ ပစ္စယာ နဘာဝနာယ ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၆. နဒဿနေန ပဟာတဗ္ဗဟေတုကံ နကုသလံ ဓမ္မံ ပစ္စယာ နဒဿနေန ပဟာတဗ္ဗဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၇. နဘာဝနာယ ပဟာတဗ္ဗဟေတုကံ နကုသလံ ဓမ္မံ ပစ္စယာ နဘာဝနာယ ပဟာတဗ္ဗဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၈. နသဝိတက္ကံ နကုသလံ ဓမ္မံ ပစ္စယာ သဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၄၉. နသဝိစာရံ နကုသလံ ဓမ္မံ ပစ္စယာ သဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၀. နသပ္ပီတိကံ နကုသလံ ဓမ္မံ ပစ္စယာ သပ္ပီတိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၁. နပီတိသဟဂတံ နကုသလံ ဓမ္မံ ပစ္စယာ ပီတိသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၂. နသုခသဟဂတံ နကုသလံ ဓမ္မံ ပစ္စယာ သုခသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၃. နဥပေက္ခာသဟဂတံ နကုသလံ ဓမ္မံ ပစ္စယာ ဥပေက္ခာသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၄. နနကာမာဝစရံ နကုသလံ ဓမ္မံ ပစ္စယာ နကာမာဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. နနကာမာဝစရံ နကုသလံ ဓမ္မံ ပစ္စယာ ကာမာဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၅၅. နရူပါဝစရံ နကုသလံ ဓမ္မံ ပစ္စယာ ရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. နရူပါဝစရံ နကုသလံ ဓမ္မံ ပစ္စယာ နရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၅၆. နအရူပါဝစရံ နကုသလံ ဓမ္မံ ပစ္စယာ အရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. နအရူပါဝစရံ နကုသလံ ဓမ္မံ ပစ္စယာ နအရူပါဝစရော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၅၇. နအပရိယာပန္နံ နကုသလံ ဓမ္မံ ပစ္စယာ အပရိယာပန္နော ကုသလော ဓမ္မော ဥပ္ပဇ္ဇတိ ဟေတုပစ္စယာ. နအပရိယာပန္နံ နကုသလံ ဓမ္မံ ပစ္စယာ ပရိယာပန္နော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၅၈. နနိယျာနိကံ နကုသလံ ဓမ္မံ ပစ္စယာ နိယျာနိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. နနိယျာနိကံ နကုသလံ ဓမ္မံ ပစ္စယာ နအနိယျာနိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၅၉. နနိယတံ နကုသလံ ဓမ္မံ ပစ္စယာ နိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ. နနိယတံ နကုသလံ ဓမ္မံ ပစ္စယာ အနိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၆၀. နအနုတ္တရံ နကုသလံ ဓမ္မံ ပစ္စယာ အနုတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. နအနုတ္တရံ နကုသလံ ဓမ္မံ ပစ္စယာ သဥတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

၆၁. နသရဏံ နကုသလံ ဓမ္မံ ပစ္စယာ အရဏော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသရဏံ နအကုသလံ ဓမ္မံ ပစ္စယာ သရဏော အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသရဏံ နအဗျာကတံ ဓမ္မံ ပဋိစ္စ အရဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. နအရဏံ နအဗျာကတံ ဓမ္မံ ပဋိစ္စ အရဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.