၅၅-၆၈-၁. မဟန္တရဒုကာနိ-ကုသလတ္တိကံ

၂၈. နသာရမ္မဏံ နကုသလံ ဓမ္မံ ပစ္စယာ သာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသာရမ္မဏံ နအကုသလံ ဓမ္မံ ပစ္စယာ သာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နအနာရမ္မဏံ နအဗျာကတံ ဓမ္မံ ပဋိစ္စ အနာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၂၉. နောစိတ္တံ နကုသလံ ဓမ္မံ ပစ္စယာ စိတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ. (နအကုသလေ တီဏိ. နအဗျာကတေ တီဏိ. သံခိတ္တံ.)

၃၀. နစေတသိကံ နကုသလံ ဓမ္မံ ပစ္စယာ စေတသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၁. နစိတ္တသမ္ပယုတ္တံ နကုသလံ ဓမ္မံ ပစ္စယာ စိတ္တသမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၃၂. နစိတ္တသံသဋ္ဌံ နကုသလံ ဓမ္မံ ပစ္စယာ စိတ္တသံသဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၃၃. နစိတ္တသမုဋ္ဌာနံ နကုသလံ ဓမ္မံ ပစ္စယာ စိတ္တသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၄. နစိတ္တသဟဘုံ နကုသလံ ဓမ္မံ ပစ္စယာ စိတ္တသဟဘူ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၅. နစိတ္တာနုပရိဝတ္တိံ နကုသလံ ဓမ္မံ ပစ္စယာ စိတ္တာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၆. နစိတ္တသံသဋ္ဌသမုဋ္ဌာနံ နကုသလံ ဓမ္မံ ပစ္စယာ စိတ္တသံသဋ္ဌသမုဋ္ဌာနော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၇. နစိတ္တသံသဋ္ဌသမုဋ္ဌာနသဟဘုံ နကုသလံ ဓမ္မံ ပစ္စယာ စိတ္တသံသဋ္ဌသမုဋ္ဌာနသဟဘူ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၈. နစိတ္တသံသဋ္ဌသမုဋ္ဌာနာနုပရိဝတ္တိံ နကုသလံ ဓမ္မံ ပစ္စယာ စိတ္တသံသဋ္ဌသမုဋ္ဌာနာနုပရိဝတ္တီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၃၉. နအဇ္ဈတ္တိကံ နကုသလံ ဓမ္မံ ပစ္စယာ အဇ္ဈတ္တိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၄၀. နနောဥပါဒါ နကုသလံ ဓမ္မံ ပစ္စယာ နောဥပါဒါ ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၁. နအနုပါဒိန္နံ နကုသလံ ဓမ္မံ ပစ္စယာ အနုပါဒိန္နော ကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.