၇. ပဉှာဝါရော

၇. နကုသလော ဓမ္မော အကုသလဿ ဓမ္မဿ ဟေတုပစ္စယေန ပစ္စယော. နကုသလော ဓမ္မော အဗျာကတဿ ဓမ္မဿ ဟေတုပစ္စယေန ပစ္စယော. နကုသလော ဓမ္မော အကုသလဿ စ အဗျာကတဿ စ ဓမ္မဿ ဟေတုပစ္စယေန ပစ္စယော။ တီဏိ.

နအကုသလော ဓမ္မော ကုသလဿ ဓမ္မဿ ဟေတုပစ္စယေန ပစ္စယော။ တီဏိ.

နအဗျာကတော ဓမ္မော အဗျာကတဿ ဓမ္မဿ ဟေတုပစ္စယေန ပစ္စယော။ ပဉ္စ.

နကုသလော စ နအဗျာကတော စ ဓမ္မာ အကုသလဿ ဓမ္မဿ ဟေတုပစ္စယေန ပစ္စယော။ တီဏိ.

နအကုသလော စ နအဗျာကတော စ ဓမ္မာ ကုသလဿ ဓမ္မဿ ဟေတုပစ္စယေန ပစ္စယော။ တီဏိ.

နကုသလော စ နအကုသလော စ ဓမ္မာ အဗျာကတဿ ဓမ္မဿ ဟေတုပစ္စယေန ပစ္စယော. ဧကံ.

အာရမ္မဏပစ္စယော

၈. နကုသလော ဓမ္မော ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

နအကုသလော ဓမ္မော အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

နအဗျာကတော ဓမ္မော အဗျာကတဿ ဓမ္မဿ အာရမ္မဏပစ္စယေန ပစ္စယော။ တီဏိ.

နကုသလော စ နအဗျာကတော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော. နကုသလော စ နအဗျာကတော စ ဓမ္မာ အကုသလဿ ဓမ္မဿ အာရမ္မဏပစ္စယေန ပစ္စယော. နကုသလော စ နအဗျာကတော စ ဓမ္မာ အဗျာကတဿ ဓမ္မဿ အာရမ္မဏပစ္စယေန ပစ္စယော. တီဏိ.

နအကုသလော စ နအဗျာကတော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော. နအကုသလော စ နအဗျာကတော စ ဓမ္မာ အကုသလဿ ဓမ္မဿ အာရမ္မဏပစ္စယေန ပစ္စယော. နအကုသလော စ နအဗျာကတော စ ဓမ္မာ အဗျာကတဿ ဓမ္မဿ အာရမ္မဏပစ္စယေန ပစ္စယော. တီဏိ.

နကုသလော စ နအကုသလော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ. (သံခိတ္တံ.)

၉. ဟေတုယာ အဋ္ဌာရသ၊ အာရမ္မဏေ အဋ္ဌာရသ၊ အဓိပတိယာ တေဝီသ။ပေ။ အဝိဂတေ ဒွါဝီသ. (ပဉှာဝါရံ ဝိတ္ထာရေတဗ္ဗံ.)