၁-၈၂-၉၈. ဟေတုဒုက-ဒဿနေနပဟာတဗ္ဗဒုကာဒိ

၃၈. ဟေတုံ ဒဿနေန ပဟာတဗ္ဗံ ဓမ္မံ ပဋိစ္စ နဟေတု နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတုံ နဒဿနေန ပဟာတဗ္ဗံ ဓမ္မံ ပစ္စယာ နနဟေတု နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိမေဝ.

၃၉. ဟေတုံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နဟေတု နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတုံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ နနဟေတု နနဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကံ.