၁၀၀-၁-၆. သရဏဒုက-ဟေတုဒုကာဒိ

၈၂. သရဏံ ဟေတုံ ဓမ္မံ ပဋိစ္စ နသရဏော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အရဏံ ဟေတုံ ဓမ္မံ ပဋိစ္စ နသရဏော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ စတ္တာရိ.

သရဏံ နဟေတုံ ဓမ္မံ ပဋိစ္စ နအရဏော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ နဟေတုံ ဓမ္မံ ပဋိစ္စ နသရဏော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

၈၃. သရဏံ သဟေတုကံ ဓမ္မံ ပဋိစ္စ နသရဏော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ သဟေတုကံ ဓမ္မံ ပဋိစ္စ နသရဏော နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

သရဏံ အဟေတုကံ ဓမ္မံ ပဋိစ္စ နအရဏော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ အဟေတုကံ ဓမ္မံ ပဋိစ္စ နသရဏော နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

၈၄. သရဏံ ဟေတုသမ္ပယုတ္တံ ဓမ္မံ ပဋိစ္စ နသရဏော နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ဧကံ. အရဏံ ဟေတုသမ္ပယုတ္တံ ဓမ္မံ ပဋိစ္စ နသရဏော နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ. (သဟေတုကဒုကသဒိသံ.)

၈၅. သရဏံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအရဏော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ ဟေတုဉ္စေဝ သဟေတုကဉ္စ ဓမ္မံ ပဋိစ္စ နသရဏော နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

သရဏံ သဟေတုကဉ္စေဝ န စ ဟေတုံ ဓမ္မံ ပဋိစ္စ နအရဏော နအဟေတုကော စေဝ နန စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ သဟေတုကဉ္စေဝ န စ ဟေတုံ ဓမ္မံ ပဋိစ္စ နသရဏော နအဟေတုကော စေဝ နန စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

၈၆. သရဏံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နအရဏော နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. (ဟေတုသဟေတုကဒုကသဒိသံ.)

၈၇. သရဏံ နဟေတုံ သဟေတုကံ ဓမ္မံ ပဋိစ္စ နသရဏော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အရဏံ နဟေတုံ သဟေတုကံ ဓမ္မံ ပဋိစ္စ နသရဏော နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.

အရဏံ နဟေတုံ အဟေတုကံ ဓမ္မံ ပဋိစ္စ နသရဏော နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.