၅၅-၆၈-၁. မဟန္တရဒုကာဒိ-ဟေတုဒုကံ

၆၃. သာရမ္မဏံ ဟေတုံ ဓမ္မံ ပဋိစ္စ နသာရမ္မဏော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

သာရမ္မဏံ နဟေတုံ ဓမ္မံ ပဋိစ္စ နအနာရမ္မဏော နနဟေတု ဓမ္မော ဥပ္ပဇ္ဇတိ ဟေတုပစ္စယာ. အနာရမ္မဏံ နဟေတုံ ဓမ္မံ ပဋိစ္စ နအနာရမ္မဏော နနဟေတု ဓမ္မော ဥပ္ပဇ္ဇတိ ဟေတုပစ္စယာ. သာရမ္မဏံ နဟေတုဉ္စ အနာရမ္မဏံ နဟေတုဉ္စ ဓမ္မံ ပဋိစ္စ နအနာရမ္မဏော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.

၆၄. နောစိတ္တံ ဟေတုံ ဓမ္မံ ပဋိစ္စ နနောစိတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

စိတ္တံ နဟေတုံ ဓမ္မံ ပဋိစ္စ နောစိတ္တော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၆၅. စေတသိကံ ဟေတုံ ဓမ္မံ ပဋိစ္စ နစေတသိကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

စေတသိကံ နဟေတုံ ဓမ္မံ ပဋိစ္စ နအစေတသိကော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၆၆. စိတ္တသမ္ပယုတ္တံ ဟေတုံ ဓမ္မံ ပဋိစ္စ နစိတ္တသမ္ပယုတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ. (သံခိတ္တံ.)

၆၇. စိတ္တသံသဋ္ဌံ ဟေတုံ ဓမ္မံ ပဋိစ္စ နစိတ္တသံသဋ္ဌော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၆၈. စိတ္တသမုဋ္ဌာနံ ဟေတုံ ဓမ္မံ ပဋိစ္စ နောစိတ္တသမုဋ္ဌာနော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၆၉. စိတ္တသဟဘုံ ဟေတုံ ဓမ္မံ ပဋိစ္စ နောစိတ္တသဟဘူ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၀. စိတ္တာနုပရိဝတ္တိံ ဟေတုံ ဓမ္မံ ပဋိစ္စ နောစိတ္တာနုပရိဝတ္တီ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၁. စိတ္တသံသဋ္ဌသမုဋ္ဌာနံ ဟေတုံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၂. စိတ္တသံသဋ္ဌသမုဋ္ဌာနသဟဘုံ ဟေတုံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနသဟဘူ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၃. စိတ္တသံသဋ္ဌသမုဋ္ဌာနာနုပရိဝတ္တိံ ဟေတုံ ဓမ္မံ ပဋိစ္စ နောစိတ္တသံသဋ္ဌသမုဋ္ဌာနာနုပရိဝတ္တီ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၄. ဗာဟိရံ ဟေတုံ ဓမ္မံ ပဋိစ္စ နဗာဟိရော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အဇ္ဈတ္တိကံ နဟေတုံ ဓမ္မံ ပဋိစ္စ နအဇ္ဈတ္တိကော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၅. နောဥပါဒါ ဟေတုံ ဓမ္မံ ပဋိစ္စ နနောဥပါဒါ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ဥပါဒါ နဟေတုံ ဓမ္မံ ပဋိစ္စ နောဥပါဒါ နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၇၆. ဥပါဒိန္နံ ဟေတုံ ဓမ္မံ ပဋိစ္စ နဥပါဒိန္နော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အနုပါဒိန္နံ ဟေတုံ ဓမ္မံ ပဋိစ္စ နဥပါဒိန္နော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ စတ္တာရိ.

ဥပါဒိန္နံ နဟေတုံ ဓမ္မံ ပဋိစ္စ နအနုပါဒိန္နော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

အနုပါဒိန္နံ နဟေတုံ ဓမ္မံ ပဋိစ္စ နဥပါဒိန္နော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ။ ဟေတုယာ ဒွေ.