၇-၁၃-၁. စူဠန္တရဒုကာဒိ-ဟေတုဒုကံ

၄၅. သပ္ပစ္စယံ ဟေတုံ ဓမ္မံ ပဋိစ္စ နအပ္ပစ္စယော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

သပ္ပစ္စယံ နဟေတုံ ဓမ္မံ ပဋိစ္စ နအပ္ပစ္စယော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ. (သင်္ခတံ သပ္ပစ္စယသဒိသံ).

၄၆. အနိဒဿနံ ဟေတုံ ဓမ္မံ ပဋိစ္စ နအနိဒဿနော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အနိဒဿနံ နဟေတုံ ဓမ္မံ ပဋိစ္စ နသနိဒဿနော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၇. အပ္ပဋိဃံ ဟေတုံ ဓမ္မံ ပဋိစ္စ နအပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အပ္ပဋိဃံ နဟေတုံ ဓမ္မံ ပဋိစ္စ နသပ္ပဋိဃော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၄၈. အရူပိံ ဟေတုံ ဓမ္မံ ပဋိစ္စ နအရူပီ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ရူပိံ နဟေတုံ ဓမ္မံ ပဋိစ္စ နရူပီ နနဟေတု ဓမ္မော ဥပ္ပဇ္ဇတိ ဟေတုပစ္စယာ.

အရူပိံ နဟေတုံ ဓမ္မံ ပဋိစ္စ နအရူပီ နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၄၉. လောကိယံ ဟေတုံ ဓမ္မံ ပဋိစ္စ နလောကုတ္တရော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

လောကုတ္တရံ ဟေတုံ ဓမ္မံ ပဋိစ္စ နလောကုတ္တရော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ စတ္တာရိ.

လောကိယံ နဟေတုံ ဓမ္မံ ပဋိစ္စ နလောကုတ္တရော နနဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

လောကုတ္တရံ နဟေတုံ ဓမ္မံ ပဋိစ္စ နလောကိယော နနဟေတု ဓမ္မော ဥပ္ပဇ္ဇတိ ဟေတုပစ္စယာ ဧကံ။ ဟေတုယာ ဒွေ.

၅၀. ကေနစိ ဝိညေယျံ ဟေတုံ ဓမ္မံ ပဋိစ္စ နကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နကေနစိ ဝိညေယျံ ဟေတုံ ဓမ္မံ ပဋိစ္စ နနကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ကေနစိ ဝိညေယျံ ဟေတုဉ္စ နကေနစိ ဝိညေယျံ ဟေတုဉ္စ ဓမ္မံ ပဋိစ္စ နကေနစိ ဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

ကေနစိ ဝိညေယျံ နဟေတုံ ဓမ္မံ ပဋိစ္စ နကေနစိ ဝိညေယျော နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.