၁-၁. ဟေတုဒုက-သဟေတုကဒုကံ

၁. ဟေတုံ သဟေတုကံ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ သဟေတုကံ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ သဟေတုကဉ္စ နဟေတုံ သဟေတုကဉ္စ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.) ဟေတုယာ တီဏိ၊ အာရမ္မဏေ ဧကံ။ပေ။ အဝိဂတေ ပဉ္စ.

၂. နဟေတုံ သဟေတုကံ ဓမ္မံ ပဋိစ္စ နနဟေတု နသဟေတုကော ဓမ္မော ဥပ္ပဇ္ဇတိ နဟေတုပစ္စယာ။ (သံခိတ္တံ.) နဟေတုယာ ဧကံ၊ နအာရမ္မဏေ တီဏိ။ပေ။ နောဝိဂတေ တီဏိ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

ဟေတု-အာရမ္မဏပစ္စယာ

၃. ဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ ဟေတုပစ္စယေန ပစ္စယော. (၁)

ဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော နနဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. ဟေတု သဟေတုကော ဓမ္မော နဟေတုဿ နသဟေတုကဿ စ နနဟေတုဿ နသဟေတုကဿ စ ဓမ္မဿ အာရမ္မဏပစ္စယေန ပစ္စယော. (၃)

နဟေတု သဟေတုကော ဓမ္မော နနဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု သဟေတုကော ဓမ္မော နဟေတုဿ နသဟေတုကဿ စ နနဟေတုဿ နသဟေတုကဿ စ ဓမ္မဿ အာရမ္မဏပစ္စယေန ပစ္စယော. (၃) (သံခိတ္တံ.)

ဟေတုယာ ဧကံ၊ အာရမ္မဏေ ဆ၊ အဓိပတိယာ ဒွေ။ပေ။ အဝိဂတေ ပဉ္စ. (ပဉှာဝါရံ ဝိတ္ထာရေတဗ္ဗံ.)

၄. ဟေတုံ အဟေတုကံ ဓမ္မံ ပဋိစ္စ နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)

နဟေတုံ အဟေတုကံ ဓမ္မံ ပဋိစ္စ နနဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.) ဟေတုယာ စတ္တာရိ.