၂၂-၄. သနိဒဿနတ္တိက-ဥပါဒိန္နတ္တိကံ

၄၇. အနိဒဿနအပ္ပဋိဃံ ဥပါဒိန္နုပါဒါနိယံ ဓမ္မံ ပဋိစ္စ နအနိဒဿနအပ္ပဋိဃော နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

သနိဒဿနသပ္ပဋိဃော အနုပါဒိန္နုပါဒါနိယော ဓမ္မော နသနိဒဿနသပ္ပဋိဃဿ နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ.) အာရမ္မဏေ နဝ၊ အနန္တရေ တီဏိ။ပေ။ ဥပနိဿယေ ပုရေဇာတေ နဝ။ပေ။ အဝိဂတေ နဝ.

အနိဒဿနအပ္ပဋိဃံ အနုပါဒိန္နအနုပါဒါနိယံ ဓမ္မံ ပဋိစ္စ နအနိဒဿနအပ္ပဋိဃော နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.