၄-၁. ဥပါဒိန္နတ္တိက-ကုသလတ္တိကံ
၄၀. အနုပါဒိန္နုပါဒါနိယံ ကုသလံ ဓမ္မံ ပဋိစ္စ နဥပါဒိန္နုပါဒါနိယော နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အနုပါဒိန္နအနုပါဒါနိယံ ကုသလံ ဓမ္မံ ပဋိစ္စ နအနုပါဒိန္နအနုပါဒါနိယော နကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ ဟေတုယာ ဆ.
အနုပါဒိန္နုပါဒါနိယံ အကုသလံ ဓမ္မံ ပဋိစ္စ နဥပါဒိန္နုပါဒါနိယော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.
ဥပါဒိန္နုပါဒါနိယံ အဗျာကတံ ဓမ္မံ ပစ္စယာ နဥပါဒိန္နုပါဒါနိယော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.