၂-၁. ဝေဒနာတ္တိက-ကုသလတ္တိကံ

၃၆. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော နကုသလော ဓမ္မော ဥပ္ပဇ္ဇတိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နဒုက္ခာယ ဝေဒနာယ သမ္ပယုတ္တော နကုသလော ဓမ္မော ဥပ္ပဇ္ဇတိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော နကုသလော ဓမ္မော ဥပ္ပဇ္ဇတိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော နကုသလော စ နအဒုက္ခမသုခါယ ဝေဒနာယ သမ္ပယုတ္တော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နဒုက္ခာယ ဝေဒနာယ သမ္ပယုတ္တော နကုသလော စ နအဒုက္ခမသုခါယ ဝေဒနာယ သမ္ပယုတ္တော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော နကုသလော စ နဒုက္ခာယ ဝေဒနာယ သမ္ပယုတ္တော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော နကုသလော စ နဒုက္ခာယ ဝေဒနာယ သမ္ပယုတ္တော နကုသလော စ နအဒုက္ခမသုခါယ ဝေဒနာယ သမ္ပယုတ္တော နကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. သတ္တ.

အဒုက္ခမသုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော နကုသလော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ စုဒ္ဒသ.

၃၇. သုခါယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော နကုသလော ဓမ္မော ဥပ္ပဇ္ဇတိ ဟေတုပစ္စယာ။ သတ္တ.

ဒုက္ခာယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ နဒုက္ခာယ ဝေဒနာယ သမ္ပယုတ္တော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ သတ္တ.

အဒုက္ခမသုခါယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော နအကုသလော ဓမ္မော ဥပ္ပဇ္ဇတိ ဟေတုပစ္စယာ။ သတ္တ. (ဧကဝီသတိ ပဉှာ.)

၃၈. သုခါယ ဝေဒနာယ သမ္ပယုတ္တော အဗျာကတော ဓမ္မော နသုခါယ ဝေဒနာယ သမ္ပယုတ္တဿ နအဗျာကတဿ ဓမ္မဿ အာရမ္မဏပစ္စယေန ပစ္စယော. (သံခိတ္တံ.)

အာရမ္မဏေ ဧကဝီသတိ. (ဒုက္ခာယ ဝေဒနာယ သမ္ပယုတ္တအဗျာကတမူလံ အဒုက္ခမသုခါယ ဝေဒနာယ သမ္ပယုတ္တအဗျာကတမူလမ္ပိ ကာတဗ္ဗံ.)