ပစ္စနီယံ

နဟေတုနအာရမ္မဏပစ္စယာဒိ

၂. အဗျာကတံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ ။ တီဏိ.

၃. ကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. ကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. ကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နကုသလော နသုခါယ ဝေဒနာယ သမ္ပယုတ္တော စ နအကုသလော နသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ. တီဏိ.

အကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ။ တီဏိ.

အဗျာကတံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. အဗျာကတံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအကုသလော နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. အဗျာကတံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နကုသလော နသုခါယ ဝေဒနာယ သမ္ပယုတ္တော စ နအကုသလော နသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ. တီဏိ.

၄. နဟေတုယာ တီဏိ၊ နအာရမ္မဏေ နဝ၊ နအဓိပတိယာ တေရသ။ပေ။ နောဝိဂတေ နဝ.

ဟေတုပစ္စယာ နအာရမ္မဏေ နဝ.

နဟေတုပစ္စယာ အာရမ္မဏေ တီဏိ.

(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ.)

၅. ကုသလော သုခါယ ဝေဒနာယ သမ္ပယုတ္တော ဓမ္မော နကုသလဿ နသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ပေ။.

အာရမ္မဏေ အဋ္ဌာရသ. (ပဉှာဝါရမ္ပိ ဝိတ္ထာရေတဗ္ဗံ.)