၁၇. အာသဝသာသဝဒုကံ

၁-၇. ပဋိစ္စဝါရာဒိ

၁၉. အာသဝဉ္စေဝ သာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. အာသဝဉ္စေဝ သာသဝဉ္စ ဓမ္မံ ပဋိစ္စ နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. အာသဝဉ္စေဝ သာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ နအနာသဝေါ စေဝ နနော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

သာသဝဉ္စေဝ နော စ အာသဝံ ဓမ္မံ ပဋိစ္စ နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အာသဝဉ္စေဝ သာသဝဉ္စ သာသဝဉ္စေဝ နော စ အာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ဟေတုယာ နဝ. (သဗ္ဗတ္ထ နဝ.)