၁-၇. ပဋိစ္စဝါရာဒိ

ဟေတုပစ္စယော

၁၀၉. သေက္ခံ ကုသလံ ဓမ္မံ ပဋိစ္စ သေက္ခော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

နေဝသေက္ခနာသေက္ခံ ကုသလံ ဓမ္မံ ပဋိစ္စ နေဝသေက္ခနာသေက္ခော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သဗ္ဗတ္ထ ဒွေ. သဗ္ဗတ္ထ ဝိတ္ထာရော.)

နေဝသေက္ခနာသေက္ခံ အကုသလံ ဓမ္မံ ပဋိစ္စ နေဝသေက္ခနာသေက္ခော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)

သေက္ခံ အဗျာကတံ ဓမ္မံ ပဋိစ္စ သေက္ခော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ. (သဗ္ဗတ္ထ ဝိတ္ထာရေတဗ္ဗံ.)