၁-၇. ပဋိစ္စဝါရာဒိ

ဟေတုပစ္စယော

၁၀၅. နေဝဒဿနေန နဘာဝနာယ ပဟာတဗ္ဗဟေတုကံ ကုသလံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ. သဗ္ဗတ္ထ ဝိတ္ထာရော.)

၁၀၆. ဒဿနေန ပဟာတဗ္ဗဟေတုကံ အကုသလံ ဓမ္မံ ပဋိစ္စ ဒဿနေန ပဟာတဗ္ဗဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ.

ဘာဝနာယ ပဟာတဗ္ဗဟေတုကံ အကုသလံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ ဆ၊ အာရမ္မဏေ ဒသ၊ အဓိပတိယာ ဒွေ။ပေ။ အဝိဂတေ ဒသ. (သဗ္ဗတ္ထ ဝိတ္ထာရော.)

၁၀၇. နေဝဒဿနေန နဘာဝနာယ ပဟာတဗ္ဗဟေတုကံ အဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)