၁-၇. ပဋိစ္စဝါရာဒိ

ဟေတုပစ္စယော

၁၀၂. နေဝဒဿနေန နဘာဝနာယ ပဟာတဗ္ဗံ ကုသလံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)

၁၀၃. ဒဿနေန ပဟာတဗ္ဗံ အကုသလံ ဓမ္မံ ပဋိစ္စ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

ဘာဝနာယ ပဟာတဗ္ဗံ အကုသလံ ဓမ္မံ ပဋိစ္စ ဘာဝနာယ ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သဗ္ဗတ္ထ ဒွေ. သဗ္ဗတ္ထ ဝိတ္ထာရော.)

၁၀၄. နေဝဒဿနေန နဘာဝနာယ ပဟာတဗ္ဗံ အဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)