၁-၇. ပဋိစ္စဝါရာဒိ

ဟေတုပစ္စယော

၉၅. အသံကိလိဋ္ဌသံကိလေသိကံ ကုသလံ ဓမ္မံ ပဋိစ္စ အသံကိလိဋ္ဌသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ.

အသံကိလိဋ္ဌအသံကိလေသိကံ ကုသလံ ဓမ္မံ ပဋိစ္စ အသံကိလိဋ္ဌအသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဒွေ.)

သံကိလိဋ္ဌသံကိလေသိကံ အကုသလံ ဓမ္မံ ပဋိစ္စ သံကိလိဋ္ဌသံကိလေသိကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)

အသံကိလိဋ္ဌသံကိလေသိကံ အဗျာကတံ ဓမ္မံ ပဋိစ္စ အသံကိလိဋ္ဌသံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ ပဉ္စ.