၁-၇. ပဋိစ္စဝါရာဒိ

ပစ္စယစတုက္ကံ

၅၅. ကုသလံ ပရိတ္တာရမ္မဏံ ဓမ္မံ ပဋိစ္စ ကုသလော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ ပရိတ္တာရမ္မဏံ ဓမ္မံ ပဋိစ္စ အကုသလော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ ပရိတ္တာရမ္မဏံ ဓမ္မံ ပဋိစ္စ အဗျာကတော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ တီဏိ၊ အဝိဂတေ တီဏိ. (သံခိတ္တံ.)

(သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)

၅၆. ကုသလံ မဟဂ္ဂတာရမ္မဏံ ဓမ္မံ ပဋိစ္စ ကုသလော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ မဟဂ္ဂတာရမ္မဏံ ဓမ္မံ ပဋိစ္စ အကုသလော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ မဟဂ္ဂတာရမ္မဏံ ဓမ္မံ ပဋိစ္စ အဗျာကတော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ (၁) (သံခိတ္တံ).

ဟေတုယာ တီဏိ၊ အဝိဂတေ တီဏိ. (သံခိတ္တံ.)

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရော.)

၅၇. ကုသလံ အပ္ပမာဏာရမ္မဏံ ဓမ္မံ ပဋိစ္စ ကုသလော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ အပ္ပမာဏာရမ္မဏံ ဓမ္မံ ပဋိစ္စ အဗျာကတော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ၊ အဝိဂတေ ဒွေ. (သံခိတ္တံ.)

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရော.)