၁-၇. ပဋိစ္စဝါရာဒိ

၄၄. ကုသလံ အာစယဂါမိံ ဓမ္မံ ပဋိစ္စ ကုသလော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ အာစယဂါမိံ ဓမ္မံ ပဋိစ္စ အကုသလော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ။ပေ။ အဝိဂတေ ဒွေ. (သံခိတ္တံ.)

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဝိတ္ထာရော.)

၄၅. ကုသလံ အပစယဂါမိံ ဓမ္မံ ပဋိစ္စ ကုသလော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ. ပဋိစ္စဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၄၆. အဗျာကတံ နေဝါစယဂါမိနာပစယဂါမိံ ဓမ္မံ ပဋိစ္စ အဗျာကတော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ ဧကံ။ပေ။ အဝိဂတေ ဧကံ. (သံခိတ္တံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)