၁. ဝိဘင်္ဂဝါရော

နဟေတုပစ္စယော

၅. နောပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောပရာမာသံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

နအာရမ္မဏပစ္စယော

၆. ပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသံ ပဋိစ္စ စိတ္တသမုဋ္ဌာနံ ရူပံ. (၁)

နောပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – နောပရာမာသေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ (ယာဝ အသညသတ္တာ). (၁)

ပရာမာသဉ္စ နောပရာမာသဉ္စ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ နအာရမ္မဏပစ္စယာ – ပရာမာသဉ္စ သမ္ပယုတ္တကေ စ ခန္ဓေ ပဋိစ္စ စိတ္တသမုဋ္ဌာနံ ရူပံ. (၁)